رواية جراح العشق امير وروان كاملة جميع الفصول بقلم روان عبدالله
روان بإستغراب.. انت جيبنا هنا ليه يا مروان
مروان.. الصراحه كده انا جيبك هنا انتي ولوجي علشان اقولكم اني بحبكم انتو الاتنين
مقدرتش امسك ضحكتي وضحكت بصوتي كله
مروان.. ايه اللي يضحك بقا
روان بضحك... اول مره اشوف واحد مجمع اتنين وبقولهم انه بيحبهم
مروان.. انا بحبك من واحنا صغيرين وبحب لوجي لما كبرنا ومش عاوز اخسر حد فيكم
روان.. انت طماع بقا
لوجي بحب.. بجد يامروان انتي بتحبني
روان.. ياختي اتوكسي بيقولك بيحبني انا كمان
تنهدت قليلا لتكمل بص يامروان انت بتحب لوجي وهيا بتحبك يبقي اتكل علي الله اتجوزها
مروان.. وانتي
روان.. انت عبيط يلا انا بعتبرك اخويا
مروان.. بس انتي قولتي انك بتحبيني
روان.. يلهوي عليا دا انا ساعتها كان عندي 10سنين
مروان.. طب واللي بينا
روان..قصدك علي الاكل ياعني تعالي عندنا وانا اخلي اوفا تعملك احسن اكل
مروان.. كل اللي همك الاكل
روان... اه انا واحده بتاعت بطنها وسلام بقا علشان اسيبكم براحتكم ياعصافير الحب انتو
خرجت روان وركبت سيارتها متوجهه لمنزلها
روان... اوفاااااا
وفاء.. ايه ياحيو0انه بتجعري ليه
روان.. مقبوله منك قولي بقا طابخه ايه
وفاء.. همك علي بطنك علي طول
روان... طبعا
وفاء.. عامله فراخ ومكرونه بشاميل
روان.... والله انتي سكر هطلع اخد دش وانزل ادوقلك الاكل
وفاء.. الاكل جاهز اطلعي انتي خد دش يكون ابوكي جه
روان... فريره
صعدت السلم بسرعه متوجهه لغرفتها فتحت الباب واغلقته خلفها
جلست بجانب الباب وانفجرت في البكاء
روان ببكاء... بعد ده كله طلع بيحب حد تاني انا مش مصدقه انا بحبه من صغري كان اقرب حد ليا كل اسراري معاه ليه لازم انا اللي كل مره اضحي ليه لازم انا اللي ابكي ليه انا اللي ازعل ليه لازم دايما ابان قويه وانا زهقت بجد زهقت
في منزل اخر اسفه هو ليس منزل بل قصر يعيش أمير الجارحي رجل الاعمال المشهور صاحب شركات الجارجي لصناعه السيارات
كان يجلس هو ووالدته علي مائده الطعام
لتدخل اخته بسرعه
لوجي بفرحه... امير مروان طلع بيحبني
سمر... مروان مين
أمير.. ده موضوع بينا ياماما تعالي يالوجي
سحب لوجي خلفه لغرفتها وجلس بجانبها
أمير.. احكيلي بقا ياستي
لوجي.. النهارده قالي انه بيحبني وعاوز يقابلك بكره في كافية
أمير ببتسامه.. وانا موافق علشان خاطرك
لوجي بفرحه.. شكرا انت احلي اخ في الدنيا دي كلها
أمير.. هقابله بكره الصبح لاني مشغول طول اليوم
لوجي.. ماشي
تركها امير وذهب لغرفته ليستريح
في صباح يوم جديد في غرفه روان
وفاء بصراخ.. روان ياحبيبتي انزلي مروان تحت
روان بضيق.. عاوز ايه ده
نزلت بضيق لاسفل
روان.. عاوز ايه يامروان
مروان.. تيجي معايا مشوار
روان.. تعبانه مش قادره امشي
وفاء.. مالك ياحبيبتي
روان.. مفيش حاجه وجع عادي
مروان.. طب تعالي فكي وانتي هتصحي
كادت تعترض ولكنه سحبها معه للخارج
بعد مده دخلو احد الكافيهات
روان بإستغراب.. جينا هنا ليه
مروان.. هنقابل اخو لوجي هنا
روان بغضب.. وانا مالي جايبني ليه
مروان.. اتعصبتي ليه كده انا قولت تبقي معايا
روان.. لا شكرا انا ماشيه
كادت تستدير لتصتدم بشخص ما وتسقط علي الارض
روان بغضب.. مش تفتح يا اعمي انت
أمير بغضب.. انا اعمي
روان وهي تقوم... اه اعمي ايه مش عجبك
أمير.. انتي عارفه انا مين
روان.. لتكون ابن وزير الدخليه وانا معرفش
آمير... انا امير الجارجي
روان... طظ
امير.. انتي اتعديتي حدودك معايا خالص
روان.. هتعمل ايه ياعني هات اخرك اللي هو فاضي اصلا
ويلا سلام بقا علشان مستعجله
تحركت هي بسرعه تاركه الاخر يشتعل غضب ويوعد لها
مروان ولوجي بصوت واحد... انتهينا
أمير بغضب.. ميييين دي
لوجي.. اهدي يأمير
أمير... قولت مين دي
مروان... دي روان ماهر الفخراني صحبتي من الطفوله
أمير... تمام اوي
خرج بسرعه من الكافيه وركب سيارته
مروان... هو طلع واحنا لسه متكلمناش حتي
لوجي.. هو اتعصب شويه نكلمه يوم تاني
مروان.. تمام تشربي ايه بقا
لوجي.. ايس كوفيّ لو سمحت
في سياره أمير
أمير.. مراد في واحده اسمها روان ماهر الفخراني عاوز اعرف كل حاجه عنها
مراد... ماهر الفخراني ده صاحب شركه الفخراني للحديد
أمير.. هاتلي كل المعلومات عنه
مراد.. تمام
أمير وهو يرمي الهاتف.... والله لن0دمك ياروان
في منزل روان
روان.. ماما انا طالعه اوضتي اوعك تصحيني تمام
وفاء... مالك ياروان حالك مش عاجبني النهارده
روان.. تعبانه شويه هطلع ارتاح
وفاء.. ماشي ياحبيبتي
صعدت غرفتها واستلقت علي السرير
روان... مروان البجح عاوزني اروح اتفق مع اخو حبيبته يابجحته والله
لا وايه اخوها مفكر نفسه نجيب ساويرس هو كمان بس والله مز
خبطت علي جبهتها... اتخ0مدي ياروان بلاش صداع
في يوم جديد استيقظت روان بفزع علي صوت والدتها
روان بإستغراب.. ماما بتصرخ ليها
نزلت بسرعه لاسفل لتجد والدتها تجلس علي الكرسي بتعب
روان بلهفه.. ماما في ايه
وفاء ببكاء... ابوكي اتسجن
روان بصدم#مه.. اتسجن ليه
وفاء.. بيقولو ديون الشركه زادت مره واحده وشمعو الشركه ودلوقتي طلبو مننا نخلي البيت
روان.. بس ازاي ده بابا معلهوش ديون نهائي
وفاء... انا مش عارفه كل ده حصل ازاي بس خايفه علي ابوكي لان عنده القلب ومش هيستحمل كل ده
روان.. انا هروحله السجن
وفاء.. استني هاجي معاكي
