انا وسلفتي _كامله _بقلم هويدا زغلول
المحتويات
غير بعد العيد هو قالي كده
سعاد
ياواد انت مين ياوالا اسمك ايه
مازن عيط وقال
مالك ياتيتة هي تيتة مالها ياماما
سماح
ودخل مازن نام وامال نيمت عيالها وقالتلي
يلا ناخد الفلوس من الدولاب هي كده بقت في التراوة يابت ياسماح
سماح
يلهوي دي صعبانة عليا يا امال انا خاېفة الوليه تتجنن بجد تبقا مصېبة
خلاص بقا ياسماح اللي حصل حصل
سماح
طيب يلا بسرعة قبل ماحد يشوفنا من العيال
واخدنا الفلوس من الدولاب اللي حماتي بتحط فيه الفلوس
سماح
ااه مانتي بقا معاكي فلوس بقا وكده
سماح
ااه الفلوس حلوه اوي دي بتخلي الواحد نفسيته متظبطة
تاني يوم الصبح لقيت حماتي في اوضتها بتنادي عليا وبتقول
بت ياسماح ياسماح
سماح
نعم ياماما بتنادي عليا
ايوه متعرفيش انا حطيت الفلوس فين ياسماح اصلي يابنتي عايزة اروح التأمين عشان اصرف العلاج بتاعي وعايزة فلوس عشان المواصلات
سماح
وانا اش عرفني ياحماتي الفلوس فين مانتي اللي بتعنيها
لقيت مازن داخل عندها وقالها
انتي عاملة ايه يا تيتة انتي خفيتي ولا ايه
سعاد
تعالي ياحبيب تيتة خفيت ايه هو انا كنت تعبانة ياواد منا كويسه اهو
طيب الحمد لله انك كويسه
سعاد
انت متعرفش يامازن انا حطيت الفلوس فين ياحبيبي
مازن
لا انا معرفش بس ماما وطنط امال عارفين مش كده ياماما
سماح ارتبكت
انا ياولا انا وانا هعرف منين يلا قدامي على عشان تكتب الواجب بتاعك يلا
سعاد
ياسماح مايمكن انا قولتلك وانتي نسيتي
سماح
طيب بصي انا هحاول افتكر انتي قولتي لي بتحطيهم فين ااه صح باين في الدولاب ده استني اشوف
سعاد
طيب الحمد لله انك افتكرتي ياسماح كتر خيرك يابنتي
سبتها في الاوضة وخرجت قولت لامال
الوليه حماتك بقت طيبة كده ليه يابت يا امال انا حاسه انها بقت غلبانة ومش زي الاول خالص
امال
ايوه الله ياسماح انا كمان ملاحظة كده برضو ده باين البرشام ده حلو بقا يلا اهو جه في مصلحتنا
عند حق
وجينا بالليل وحماتي لقيتها بتقولي
انتي يابت يلي قاعدة انتي انا عايزة اروح عند بيتنا بس نسيت العنوان ماتاخديني توديني عند بيتنا اصل امي زمانها قلقانة عليا
سماح
مالك ياحماتي مانتي هنا في بيتك وامك ايه اللي قلقانة عليكي دي امك راحت من زمان
وفي الوقت ده لقيت محمود جوزي بيرن وقالي
عاملين ايه يا سماح وامي عاملة ايه
امك كويسه ياخويا الحمد لله زي الفل دي حتى قاعدة معايا اهي
محمود
طيب افتحي الكاميرا عشان اشوفها واكلمها
سماح پخوف
وووهو يعنى لازم تكلمها وتشوفها يامحمود منا بقولك انها كويسه
محمود زعق وقال
بقولك افتحي الكاميرا خليني اكلمها
وفعلا فتحت الكاميرا ومازن قاله
بابا حبيبي وحشتني اوي انت هترجع امتى بقا عشان تجيب لي العجلة اللي قولت عليها
محمود
انت كمان وحشتني يامازن اوعي تكون مغلب تيتة وماما خليني بقا اكلم تيتة
حاضر تيتة اهيه ووجه مازن الكاميرا على حماتي ومحمود قالها
سعاد بصتلة باستغراب وقالت
انت مين
محمود
انا محمود يا أمي ابنك انا مين ايه هو في ايه
سعاد
محمود ابني صغير لسه مكبرش انت مين بقا
محمود بدا يفقد اعصابة وقال
هو ايه يا أمي انتي بتكلميني كده ليه هي تيتة مالها يامازن في ايه
مازن
مش عارف يابابا شوية يبقا عارفاني وشوية بتنساني وتنسي ماما وكل اللي في البيت
محمود
طيب اديني ماما كده
سماح
انا والله ماعرف مالها يامحمود هي زي ما مازن ابنك قالك كده بالظبط
محمود
طيب وانتي سيباها ليه كده ياسماح ليه مش بتوديها لدكتور يشوف مالها
سماح
مقلقش ازاى انا لازم انزل
متابعة القراءة
