رواية حب خارج ارادتي كاملة بقلم ماهي أحمد

من غير بنج
عز انا اتحملت حاجات كتير اصعب من كده ماتقلقيش هتحمل
غرام بقت تخيط الچرح مره تانيه لعز وعز بقي يبص لغرام وهي بتعالجعه واخيرا خلصت خياطه وحطيتله الشاش والقطن وقفلت الچرح كويس
عز كان المفروض تطلعي دكتوره مش ممرضه
غرام المفروض كان يحصل حاجات كتير بس النصيب
عز طيب يلا
غرام انت لازم تستريح
عز مابرتحش غير في بيتي
غرام سندت عز وعز قام معاها
وجابوا تاكسي ورجعوا البيت
واول ما روحوا شريف شاف عز ولقي غرام مسنداه شريف جري علي عز وحضنه
عز ااااااه
شريف بخضه مالك ياعز
عز الچرح يابن الكلب مش قادر
شريف بعد عن عز وقاله

شريف الف سلامه عليك ياعز
عز اي اللي خلاك تحط غرام وعمك حسين في الموقف ده ياشريف
شريف انا مقولتش لحد يجيلي هما اللي جم
عز من امتي انت بتروح الاماكن دي
شريف ما انت بتروحها
عز مش لازم كل حاجه بعملها انت كمان تعملها
شريف انا كبرت ومابقيتش صغير
عز مهما كبرت هتفضل صغير في نظرى ياشريف
ولو عرفت انك روحت الاماكن دي تاني هتزعب مني بجد
مراد اي ياعم عز ما خلاص كفايه كده علي الواد ده الواد كان ھيموت عليك بالراحه عليه
عز عارف
عم حسين ولما انت عارف ليه يابني بتقسي علي اخوك كده
مراد ونبي انت اللي محلي قعدتنا دي ياعم حسين بس قولي اي اللي موديك انت الاماكن دي ياراجل ياشقي لااااا احنا بعد كده نمسكك سلاح
عم حسين بس يامراد بلاش هزار
بقلمي مآآهي آآحمد
شريف بقي يبص لعز
عز تعالي قرب
شريف قرب من عز وعز اخد شريف في حضنه بالراحه وقاله
عز انا خاېف عليك ياعبيط
شريف حقك عليا ياعز ما تزعلش مني
عم حسين ربنا ما يحرمكم من بعض ابدا ياولاد
كلهم بقوا يضحكوا ويهزروا غرام شافت كده راحت بعدت عنهم ودخلت اوضتها وهي زعلانه وبقت تقول في نفسها
غرام كلهم بقوا سوا ومع بعض وعز نسي اللي اخوه عملوا فيا
وبعدها مراد روح وشريف دخل اوضته وبقي عز عارف ايه اللي غرام بتفكر فيه وبقي يبص عليها من ورا الازاز ويشوفها وهي سرحانه والدموع نازله من علي خدها
وبعدها سمعت حركه بره عز راح استخبي بره قبل ما تشوفوه غرام فتحت البلكونه وبصت شمال ويمين مالقيتش حد راحت قفلت البلكونه مره تانيه ودخلت تنام وغمضت عنيها
عز بعدها بشويه فتح البلكونه ودخل عليها بالراحه اوي وهي نايمه وبقي يبص عليها وهي نايمه وبقي يقول في نفسه وهو بيبص عليها
عز اول مره تخاف علي واحده ست ياعز
وبعدها غرام اتقلبت من علي السرير راح قال
عز بس دي مش اي ست دي غرام
عز حس ان غرام هتصحي راح اتخبي بسرعه وطلع من البلكونه ومشي المشهد ده حلو جدا لما عز كان بيراقب غرام وهي نايمه مهما اوصفه مس هعرف عشان كده عملته فيديو نزلته علي جروب حكايات ماهي اعملي سيرش عليه هيظهرلك علي طول
غرام فاقت تاني يوم وهي الڼار بتاكل فيها وعرفت ان حقها هيضيع وسطهم راحت طلعت رقم الرائد مروه وجابت التليفون واتصلت بيها
غرام الوووو
الرائد مروه غراام 
غرام الووو
الرائد مروه غراااام
غرام ايوه غرام عرفتي ان انا ازاي
الرائد مروه احنا عارفين عنك كل حاجه ومسجله رقمك عندي اتأخرتي اوي علي ما اتصلتي بيا ياغرام انا قولت انك اول حاجه تعمليها تتصلي بيا بعد اللي عملوه فيكي واللي لسه هيعملوه
غرام بصوت واطي مكنتش عارفه اكلمك
الرائد مروه مش مهم المهم انك اتصلتي اسمعيني كويس ياغرام
عز خطېر ممكن اوي يراقب تليفونك ويعرف انك بتكلميني وبتتواصلي معاايا
غرام طيب واي العمل
مروه لازم تجيبي خط جديد تكلميني من عليه وانا كمان هأمنهولك
غرام ايوه بس انا مابخرجش لوحدي مش بيطلعوني من البيت لوحدي
الرائد مروه اسمعيني كويس عز بيحب كل يوم يقرا الجرايد دي عاده عنده وفي واحد كل يوم بيجيبله الجرايد مخصوص انا هحطلك الخط في الجرايد بس انتي اللي لازم تستلمي الجرايد منه بكره ياغرام فهماني
غرام ايوه.. ايوه فهماكي
غرام حست ان في حد جاي عليها راحت قفلت بسرعه ومسحت الرقم وهي بتترعش ومن كتر رعشه ايديها التليفون وقع منها علي ډخله عز
عز بيبص لقي الفون في الارض وغرام بتنهج ونفسها طالع نازل من كتر الخۏف
غرام اتلغبطت ووطت عشان تجيب الفون راح عز بسرعه وطي هو كمان وطراطيف صوابعهم اتلاقت ولمسوا بعض عز بقي يبص لغرام وهو موطي بيجيب الفون وغرام كمان
راحت غرام بسرعه ودت وشها الناحيه التانيه وعز اخد الفون
عز كنتي بتكلمي مين
غرام اي.. انا.. انا مكنتش بكلم حد.. مافيش
عز الباسورد اي
غرام ايه.. ليه
عز بكل هدوء مزاجي كده.. قولي الباسورد ياغرام
غرام عيد ميلادي
2002_2_20 m
عز فتح الفون بتاع غرام وشاف اخر المكالمات مالقاش مكالمات غرام مسحتهم كلهم
عز بص كده وسكت
عز جاي يمشي
غرام هات التليفون بتاعي
عز ليه
غرام وقفت قدام عز وقالتله
غرام تليفوني وعايزاه
عز بس انا ماشوفتش تليفونك ده قبل كده معاكي
غرام انت اصلا مكنتش بتشوفني قبل كده هتشوف تليفوني
عز ممممم عندك حق
عز فتح الباب وجه يطلع راح بصلها تاني وهو ماسك فونها وقلها
عز مين ال m ده ياغرام
غرام والله دي حاجه تخصني ماتخصكش ابدا
عز قرب من غرام والڠضب بان علي وشه
غرام رجعت ورا وهي خاېفه وبقت تقوله
غرام پخوف اي في ايه اتحولت كده ليه ياعز
عز مافيش حاجه اسمها تخصك انتي كلك علي بعضك تخصيني ياغرام طول ما انتي شايله اسمي تبقي تخصيني انتي فاهمه 
غرام فاهمه.. فاهمه
عز رزع الباب وراه واخد الفون بتاع غرام معاه وركب عربيته ورمي الفون جنبه وبقي يسوق عربيته وهو مضايق جدا وراح الشركه
اي حد بقي في الشركه يقابله بقي يقوله
حمدالله علي السلامه ياعز بيه
بس عز مكانش بيرد علي حد فيهم
ودخل مكتبه ورزع الباب بتاع المكتب
السكرتير استر يااااارب
السكرتير دخل بسرعه لعز
السكرتير عز بيه الملفات اللي هنا فيها كل
ولسه هيكمل كلامه 
راح عز رمي الملفات في وش السكرتير وقاله
عز بزعيق مش عايز ملفات مش عايز اشوف وشك دلوقتي
السكرتير بسرعه لم الملفات من علي الارض وقاله
السكرتير حاضر.. حاضر ياعز بيه
السكرتير اخد الملفات وطلع بره علي طول
عز بيكلم نفسه ياترى مين حرف ال m ده ياغرام 
بقلمي مآآهي آآحمد
في نفس الوقت 
غرام وهي متوتره في الاوضه ورايحه جايه
غرام ياررب.. يارب ما مروه تتصل يارب مروه لو اتصلت وعز رد عليها هاروح في داهيه
يارب خليك معايا
عم حسين دخل
عم حسين بتكلمي نفسك يابنتي ولا اي
غرام لا.. لا.. ابدا ياعم حسين انا بس كنت
عم حسين كنتي اي يابنتي انا عارف انتي عايزه تقولي اي
غرام عارف.. عارف اي ياعم حسين
عم حسين عارف انك مش قادره تنسي اللي حصلك يابنتي
غرام واللي حصلي ده يتنسي ياعم حسين
حط بنتك مكاني.. هتنسي اللي حصلها
عم حسين اكيد لاء يابنتي.. بس هحاول اعالج الموضوع انتي اه اللي حصلك مافيش حاجه ممكن تغفرها بس عايزك تبصي علي اللي معاكي دلوقتي انتي معاكي عز
غرام عز عمره ما كان معايا ياعم حسين ولا هيكون
عم حسين ليه يابنتي بتقولي كده
غرام بصت علي البلكونه وبصت علي الجنينه لاقيت شريف بيتكلم في الفون وقالت
غرام شايف ده ياعم حسين
عم حسين شريف
غرام