رواية لم تكن البداية سعيدة

" صباح تاني يوم "

صحيت علي صوت فر"قعة، قامت بخضة لقت عيسي قاعد علي الكُرسي ببرود وماسك ولاعة في إيده والإيد التانيه صوا"ريخ 

قعدت علي السرير وقالت: هو مفيش أم باب تخبط عليه ؟

عيسي وهو عمال يولع في الولاعة ويطفيها: تؤ أنا مبستأذتش في بيتي 

بصت علي الصا"روخ المتفر"قع في الأرض وخبطت كف علي كف وضحكت بصوت عالي

بصلها بإستغراب بس ضحك علي ضحكها وقال: بتضحكي علي إيه ؟

زينة وهي بتضحك: إمبارح بتدلق عليا مايه والنهارده بتصحيني بصوا"ريخ! أقسم بالله إحنا لو عيال في إبتدائي مش هيحصل كدة 

ضحك علي ضحكها وقال: مش أحسن ما أتغاشم معاكي وتزعلي في الأخر

زينة بعوجة بوق: إتوكس وعلي أساس بيفرق معاك زعلي أوي

قام وقف وقال بصرامة: خمس دقايق وتكوني تحت 

ضربت علي وشها وقالت: حاااضررر يخربيت دا تا"ر مش ناوي يخلص

سابها ونزل وهي قامت أخدت شاور وغيرت ونزلت وراه..