رواية انت0قام قاسى

سلفتي تحت ونزلت لقيت حماتي بتقولها 

الحما _ الف الف مبروك يا حبيبتي متعرفيش 

فرحتك ازاي ربنا يكمل ليكي علي خير 

وانا اقعد وقولت 

اميره _ فيه اي فرحوني معاكم،ومنال 

بصت ليا وقالت 

منال _  اصل انا حامل لسه جايه من عند الدكتور

وانا اتكلمت بعفويه وقولت 

اميره _ تاني منال حرام عليكي بنتك لسه  مكملتش سنه، ولقيت حماتي بتقولي 

الحما _ وانتي مالك انتي يا حبيبتي احنا بنحب العيال وبنحب العزوه خليكي في حالك ولا انتي عشان مش عارفه تكوني زيها وتجيبي حته عيل لابني

اميره _ حرام عليكي يا حماتي انتي كل شويه تقوليلي الكلام ده قولتلك كذا مره الموضوع مش بايدي ده  ب ايد ربنا 

حماتي _ يبقى تخليكي في حالك وملكيش دعوه بمنال احنا بنحب العيال يا منال هاتي لنا عيال كثير

منال _ تصدقي يا ماما والله انا قولت لمراد احنا معانا عيال كثيره الحمد لله الولد اللي يجي ده خلي مراد يربيه 

اميره _ بعد اذنك يا ماما انا هسافر بكره اسكندريه عند خالتو عايزه اشوفها 

حماتي _ قولي لجوزك يا حبيبتي وروحي مطرح ما انت عايزه من امتى وانا بتدخل في أمور واحده فيكم المهم بقي عايزين بنوته المره الجايه 

اميره _ حبيبتي يا ماما والله كنت عارفه ان انتي هتفرحي ربنا يخليكي ليا،وعدا اليوم وانا كنت 

مخنوقه وروحت عند خالتي لاوحظ تاني يوم 

وفتحت ليا وقالت 

لواحظ _اميره ازيك يا حبيبتي عامله ايه تعالي ادخلي اتفضلي وحشتني اوي،

اميره _ ازيك يا خالتو وحشاني وبعدها دخلنا 

اقعدنا وقولت ليها 

اميره _ هو انتي يا خالتو لسه عايزه تشتري شقه ماما لو لسه محتاجاها انا ممكن ابيعها ليكي 

لواحظ _ اه يا حبيبتي عايزاها بس ايه اللي خلاكي تغيري رايك مش قولتي عمرك ما هتبيعي الشقه دي لانها بتفكرك  ب امك الله يرحمها

اميره _ وانتي زي امي يا خالتي واثقه ان انا لو طلبت منك اقعد فيها كم يوم عمرك ما هتقوليلي لا

لواحظ _ اكيد يا حبيبتي طبعا خلاص ماشي ننزل القاهره ونشوف هي جايبه كام وهدفعلك فلوسها على طول 

اميره _ ربنا يخليكلي يا خالتي والله ما عارفه اقولك ايه واقعد عندها يوم وتاني يوم روحت 

لقيت احمد قاعد عند حماتي واول لما 

حماتي شافتني مبسوطه وقالت 

حماتي _خير منك شكلك عامل كده ليه فرحينا معاكي 

اميره _ طبعا لازم افرحك يا حماتي انا خلاص قررت اعمل عمليه الحقن المجهري 

حماتي _ وناويه جيبي منين فلوس العمليه انتي مش عارفه هي بتتعمل بمبلغ وقدره دلوقتي

احمد _، فاكرين شغال مدير بنك هجيبلك الفلوس منين يا اميره وقولتلك ستي انا مش عايزه عيال ما تشيلي موضوع من دماغك بقى

اميره _ انا خلاص يا احمد بعت شقه امي واخد الفلوس وهنعمل العمليه انا كمان عايزه اكون ام 

احمد _ وانا مش هرمي فلوس في حاجه هي تحصل يا ما تحصلش وشيء موضوع زي ما دماغك خالص مش عايز كلام فيه، وانا اول 

لما سمعت كده طلعت شقتي وحماتي قالت 

حماتي _وهو انت مالك انت يا واد ما هي هتدفع الفلوس اهي اعملها يا حبيبي بقى

احمد _ اعمل ايه يا امي انتي عارفه ان المشكله من عندي انا وهي لو عرفت كده ممكن تسيبني وبعدين انتي عارفه ان مش هيحصل حمل حتى بالحقن المجهري 

حماتي _ انت عارف ان مرات اخوك ليها صاحبه في مستشفى اللي بيعملوا فيها العمليات دي هخليها تتفق مع الدكاتره ان ما يقولش ان العيب منك واعملها وخلاص 

احمد _، ارمي فلوس في الارض يا امي وانا عارف ان هي مش هتحمل

حماتي _ يا حبيبي فكر كويس بس ما هي دلوقتي لو شافتك رافض هتقولك ايه السبب لازم يكون عندك رد مقنع اعمل عمليه يا حبيبي وبعدها طلع الشقه وانا كنت قاعده في الصاله زعلانه ولقيته بيقولي 

احمد _ امي اتكلمت معايا وخلاص هنعمل العمليه بس انا يا حبيبتي خايفه عليكي وعلى نفسيتك لو العمليه دي ما نجحتش انا عارف انتي ممكن يحصلك ايه وبعدها أنا قولت ليه 
اميره _ معقول يا حبيبي ربنا يخليك ليا وما يحرمني منك ابدا طول عمري عارفه انك حنين وعمرك ما بترفض ليا طلب  

احمد _ انا مكنتش رافض يا اميره بس الموضوع 

وما فيه المفروض فلوس العمليه دي عليا أنا ومينفعش اخد فلوس منك خالص 

اميره _ حبيبي فلوسك وفلوسي واحد وبعدين

انا عارفه ان لو معاك عمرك ما هتستخسر 

فيا حاجه