رواية ليس ذنبي بقلم إسراء هاني

سلمى بصد@مة: بعيد
مراد: حعملك أجمل فرح بكرة ليه استنى للخميس
سلمى بدموع: بس انا ما جهزتش حاجة ماما ما لحقتش تجهزني وما عنديش بابا ولا اخ
دق الباب ودخل عمر وقال: ولا اخ متشكر اوي يا سلمى
سلمى: مش قصدي يا عمر بس..
عمر: بعد اذنك يا مراد انا حجهز سلمى والفرح الخميس
مراد في الاول غار عليها بس عشان ما تحسش انها لوحدها وافق
مراد: انا عايز النجف والسجاجيد وغرفة الاطفال و..
سلمى: حيلك حيلك وانت داخل بايه ان شاء الله
مراد: داخل في مجهودي ان شاء الله
ضحك عمر وقال ؛ وانا غيرت رأيي انا داخل على جواز انا مش اخو حد
سلمى بضحك: طول عمرك واطي يا عمر

عمر ” ربنا يخليكي اساسا عيب في حق مراد اما احط جنيه وهو ما شاء الله صاحب مستشفى ومعرض عربيات و…
حط مراد ايده على قلبه وقال: يخرب بيتك حموت من عينك امشي ياد من هنا
عمر: انا مش بحسد.. بنق بس
ضحكوا سوا ومراد حا.ضن كتفها وخدها ولف فيها كل المحلات تختار كل حاجة بس كانت خجلانة جدا
مراد: ينفع دلوقتي تعتبريني والدك ومسؤول عنك وتختاري كل اللي نفسك فيه
سلمى: انت كل حاجة نفسي فيها
مراد بهمس: بطلي كلامك ده لنتصل على عمر يخرجنا من الحبس بتهمة فعل فا.حش في الطريق العام
سلمى بابتسامه ” بحبك اوي 

مراد: ده انتي مصممة بقى
سحبها وضمها بحب وقال: لو بتحبيني اثبتيلي
سلمى: ازاي
مراد: تختاري كل حاجة انتي عايزها.. بس والنبي كتري من ….
قال في ودانها كام كلمة خلتها تفتح عينيها عالاخر وقالت بصد@مة: انت انت مش مؤدب انت عايز الحاجات دي ليه احنا حننام كل واحد بغرفة
مراد بضحك: ايوة ايوة احلمي براحتك يا روحي ده انا بعد الثواني
قربت وشها من وشه وقالت: بحبك

تمت