قصة تزوجت_أختها بقلم الكاتبة همس حسن
المحتويات
هنا رايحة فين
زهرة ايه ده انت مش كنت نايم
بدر نومي خفيف ياستي وصحيت علي صوتك
رايحة فين بقى
زهرة بتفتح الباب رايحة مشوار يا بدر
بدر حط ايده ع الباب رزعه قفله هو ايه اللي رايحة مشوار يابدر شايفاني قرن فلفل مسلوق قدامك
انا جوزك ومن حقي أعرف انتي رايحة فين ويا اوافق يا ارفض كمان
زهرة والله !!
بدر اممممم.. بس للاسف انتي مش هتروحي المشوار ده يا زهرة اعذريني
زهرة نعم
انت من أولها هتتحكم فيا.. بقولك رايحة أشوف اختتتي
بدر وانا بقولك مش هتروحي ايه مسمعتيش
زهرة وده ليه يعني
بدر معنديش اسباب اقولهالك دلوقتي يازهرة
بتفتح الباب وتجري على برا بسرعة.. بدر بيجري وراها وبيمسكها
بدر پغضب هو انا مش قولتلك مش هتروحي في حتة لازم اعيد كلامي كتير.. ادخلي يازهرة بالذوق احسن ما اشيلك ادخلك بالعافيه
زهرة بصوت عالي وانا قولتلك هروح لاختتتي يعني هروووح
بدر شكل الذوق مش جاي معاكي.. تعالي بقا عشان انا خلقي ضيق
كانو هما دخلوا الشقة خبطت ودخلت وراهم
زهرة انت فاكر انك تقدر تحسبني في البيت يا بدر
بدر اه أقدر احبسك يا زهرة وامشي حياتك كلها بدماغي كمان عشان خاېف عليكي واللي يقدر يعارضني في ده يعارضني
ناهد مبدأيا انا آسف اني طلعت فجأة واتدخلت بينكو بس صوتكو كان عالي اوي بجد وانا اټخضيت وطلعت اجري
ثانيا بقى.. تاني مرة يا بدر لو لقيتك بتتكلم بالاسلوب ده مع مراتك هغضب عليك وربنا ما يوريك ڠضب الأم ممكن يعمل فيك ايه
ثالثا.. انزل اقعد في الشقة تحت عشان انا عايزة اقعد انا وزهرة لوحدنا واهو منها افكها بعد النكد ده كله
عن اذنكو
سابهم بدر ونزل علي تحت.. راحوا قعدوا ع الانتريه
ناهد اول حاجة حمدالله على سلامتك ياحبيبتي.. نورتي شقتك ونورتي العماره كلها
زهرة منوره بأهلها يا طنط ربنا يباركلك
ناهد تاني حاجة بقى.. طبعا انا زعقت ل بدر وقولت الكلمتين دول منها عشان انتي تحسي ان ليكي ضهر وسند من بدايتها ومتزعليش ولا تشيلي في نفسك ومنها عشان هو قبل ما يفكر يعلي صوته عليكي تاني يفكر قبلها
زهرة عارفه ان اللي حصل مكانش قليل والطريقة اللي اتجوزنا بيها اصلا كلها غلط.. بس انا بجد تعبت ومبقتش قادرة احدد مين معايا ومين عليا فين الصح وفين الغلط
حياتي كلها اتشقلبت في ثواني وكل حاجة اتغيرت وفتحت عيني لقيت نفسي متجوزة خطيب اختي وحاجة نيلة يعني بټعيط وحاليا انا في أضعف اوقات حياتي محتاجة اللي يطبطب عليا ويوجهني مش اللي يزعق ويشخط
ناهد بتعدلها وبتمسك وشه انا عارفه ان عمر ما حد هيقدر يملى مكان والدتك الله يرحمها بس انا من اول دلوقتي هبذل كل جهدي إني املى جزء بس من مكانها واكونلك أم موجودة معاكي طول الوقت في الحلوة والمره
زهرة بتبتسم وبتدمع دموع فرحه وانا هبقى أسعد واحدة في الدنيا لو عملتي كدا ويكون ليا الشرف ياطنط
ناهد خلاص بلاش طنط دي بقا
زهرة هيكون ليا الشرف.. ياماما
ناهد بتحضنها احلي ماما سمعتها والله
يلا احكيلي بقى ايه اللي حصل معاكي الفترة اللي فاتت دي كلها عشان اديكي نصيحتي واتابع معاكي الأحداث من اول دلوقتي
زهرة حاضر هحكيلك
في بيت ناهد تحت
هند ماسكه طبق لب وبتتفرج ع التليفزيون.. لقت بدر بيفتح باب الشقة وداخل .. اول ما شافته اتخضت والطبق اتنطر من ايديها
هند پخوف هي فين ماما منزلتش معاك ليه
بدر بيقرب ناحيتها ماما فوق.. عندها مهمة تانية بتعملها
بس متقلقيش انا مباكلش يعني
هند والله يا بدر لو ضړبتني لا اصوت واطلع انده ل ماما
بدر بيقرب ناحيتها اكتر
هند بدر والله ما كان قصدي اقول اللي قولته ل زهرة فوق انا بس من غيظي منها طلعت كلمتين فش غل
بدر سيبك من الهري اللي حصل فوق ده كله عشان هحاسبك عليه بعدين.. خلينا في المهم
هند وايه هو المهم
سند رجل على كنبة الانتريه جنبها بالظبط والرجل التانية في الأرض وبينه وبينها سنتيهات بسيطة جدا وهي بصاله وقلقانه
بدر من كام يوم سألتك سؤال واجابتك معجبتنيش
ف هسألك نفس السؤال تاني في ظروف مختلفه ووقت مختلف واتمنى أسمع اجابه مختلفه بردو
هند أسأل
بدر يوم الخروجة الي حصل من شهر
متابعة القراءة
