اسكربت زواج مؤقت كامل
نور و هى تدخل قصر كبير و كان كل حاجة فيه مش مترتبة و متلغبط و طلعت اوضة فوق اول ما دخلت اتخضت
وجدت فتاة ترتدى ملابسها و فارس (مديرها فى الشغل ) نايم و زقت البنت نور و خرجت و اقتربت نور من فارس علشان تصحيه
نور بكسوف من بعيد : مستر فارس …. مسترفارس. …. استاذ فارس ….
فضلت تنده عليه و بدون فايدة لحد ما اقتربت منه جدا و هنا فارس شدها ظنا منه أنها البنت اللى كانت بايته معاه امبارح
نور بتحاول تبعد فارس عنها : مستر فااارس لو سمحت ابعد كده ميصحش و فى سرها تل-عن حظها و انها مش لقية شغل تانى و انها محتاجة الشغل جدا بس ميكونش بالطريقة ديه يعنى
فارس بعد عنها
فارس : انتى بتعملى هنا ايه يا غبية انتى
نور بتحاول متبنش عصبيتها علشان هى لسه جديدة فى الشغل و مش عايزة تخسره : اسفة حضرتك كنت بصحيك ورانا ميتنج مهم كمان نص ساعة
فارس : وسعى كده من قدامى غبية
نور فى سرها : غبية مين يا متخلف .. مغرور على ايه ده
فارس خرج من الشاور و لبس هدومه و لقى نور قاعدة فى العربية ورا مش جنب السواق
فارس ببرود : كانت عربية ابوكى يا استاذة نور
نور باحراج: احمم اسفة و نزلت ركبت جنب السواق و كانت طول الطريق بتحاول تحط راسها فى الارض و كان فارس ورا مش مركز غير فى ورق الشغل و وصل الشركة
و خلص الاجتماع و دخلت نور بالقهوة و معاها ورق الشغل
نور بتردد : مستر فارس هو ممكن طلب إنسانى من حضرتك
فارس باستهزاء : طلب إنسانى ؟! اتفضلى
نور : أنا كنت محتاجة مبلغ و هسدده من المرتب
فارس : من اولها كده عايزة كام أن شاء الله
نور : 200 الف ج،ـنية
فارس : نعم حد قالك عليا بوزع فلوس
نور : و الله حضرتك ماما لازم تعمل عملية فى اسرع وقت و انا مستعدة اكتب لحضرتك اى ضمان بالفلوس و اشتغل ليل نهار علشان اسدد المبلغ لحضرتك
