قصتى بعنوان ( حبسها الشيطان)

أنا هحكيلكم مشكلتي بسرعه وعاوزاكم تساعدوني،أنا جوزي بيتصرف تصرفات غريبة وكل يوم بالليل أحس بيه بيتحرك من جنبي ومش عارفه بيروح فين، قولت يمكن يعرف واحدة عليا وبيكلمها وبصراحة مهتمتش لاني معرفوش ولا هو يعرفني بس أزاي دا يحصل وهو بيعاملني كويس جدا وبينفذلي كل طلباتي وكل يوم بقوم الصبح الاقيه باصصلي وبيقولي بتأمل ملامحك خصوصا أنه مش مجبور يتجوزني، بس برضو بيروح فين كل ليله هموت واعرف..

هحكيلكم حكايتي أنا سُعاد عندي ١٧ سنة و١٠ شهور كمان شهرين هكمل ال١٨ من أسرة فقيرة جدا تكاد تكون منعدمة وعندي ٣ أخوات، من أسبوعين بس اتقدملي عريس غني جدا اسمه طارق وهو جوزي حاليا طلب من أهلي اننا نتجوز بسرعه معرفش ليه بس لما سألوه قال انه عايش لوحده وعاوز حد يونسه في وحدته
وطبعا جابلي شبكة غالية ومهر غالي وبيت كبير مكننش أحلم بيه، بس ليه يختار بنت فقيرة زيي وحتي مش جميلة

ولما قعدت معاه سألني عندك كام سنة قولتله ١٧ و١٠ شهور قالي هتكملي ال١٨ أمتي بالظبط قولتله كمان شهرين
قالي عارف أقصد تاريخ ميلادك أمتي قولتله يوم ٢٠/١١ ظهرت علي بقه ابتسامه واضحة مفهمتش معناها ولا فهمت سببها بس مدققتش

وجالي أبويا بالليل وقالي فرحك بكرا، طيب يا ابويا أعرفه طيب نسأل عنه ؟

لا
كأنهم ما صدقوا يرموني، أنا قولت ممكن واخدني تجارة أعضاء بس تجارة أعضاء إيه بس واالراجل اللي جايبه بيقول إنه محترم وابن ناس ودا راجل موثوق فيه
طيب ممكن يكون بيتشغل قواد؟
قواد إيه بس ما لسه بقول انه راجل محترم بس غريب أوي أن راجل بالشكل دا يطلب يتجوز في يومين اتنين..
فضلت ليلتها أفكر ولما تعبت من التفكير نمت وفوضت امري لله
تاني يوم لقيته جاي وجايب فستان حلو جدا والمأذون وكتبنا الكتاب ومشيت معاه وانا بودع أهلي وشوفته بيديهم مبلغ كبير..شكلهم باعوني
ربنا يستروجالي أبويا بالليل وقالي فرحك بكرا، طيب يا ابويا أعرفه طيب نسأل عنه ؟
لا