قصة مرات ابويا وجارنا

مياده نزلت دموع كسره ولكن حاولت تتغلب علي زعلها وكسرتها ودخلت عشان تحضر العشا دخلت وراها فتحيه
مالك يابت كدا لاويه بوزك ليه مش تحمدي ربنا ان حد عبرك ولا كنتي مستنبه ټموتي بايره
مياده
ممنهوش فايده الكلام اللي يسد البدن دا يا عمتي واذا كنت وفقت فا انا وفقت عشان مسمعش منك ولا من غيرك الكلمتين المسخين دول مش عشان عاجبني ولا قابله الوضع فا اللي عايزه حصل بلاش سد نفس بقا
فتحيه
انا بنورك يا عبيطه مش قصدي ازعلك ولا اسد نفسك هتورثي من وراه دهب
مياده
يامسهل ان شاء الله ممكن تسعديني في تحضير الاكل
فتحيه 
حاضر .. وبدأو يحضرو الاكل وطلعو الاكل علي الترابيزه بره
سيد وهو بياكل بفجع
تسلم ايد اللي طابخه
فتحيه
عروستنا اللي طابخه يا سيد
سيد 
عروستنا دي ست البنات وتتاقل بالدهب
مياده بصالو بقرف
تسلم بالهنا والشفا
وبعد ما خلصو اكل قالها 
خدي دول يلا شوفي ايه اللي ناقصك وهاتيه وانزلي واختاري اجدع فستان وشتريه اي حاجه نفسك فيها قوليلي بس وانا سداد
مياده
تسلم يا معلم سيد
سيد
مفيش تسلم انتي هتبقي مراتي ومالي مالك .. ويلا امشي انا بقا عشان ورايا مشوار مهم يلا يا عباس يا خويا .. ومشي هو وعباس
فتحيه
بالله في حد تجيلو جوازه وراجل زي دا ويبقا لاوي وشه شبرين زيك كدا
مياده
لا دي لوية الفرحه بس متشليش هم
فتحيه
فرحه اااه .. طيب استأذن انا بقا عشان سايبه البيت والعيال لوحدهم
مياده
ماشي

يا عمتي ابقي تعالي
فتحيه
مش هحتاج اجي لانك هتبقي سلفتي وساكنه معايا يلا سلام .. ومشيت فتحيه
وقعدت مياده بټعيط وتقول .. انا ليه متجوزش حد من سني ليه لمجرد اني عديت ال 30 لازم اتجوز واحد عجوز ومتجوز .. ليه مش قادره اني اقول لا
ولو قلت لا الاقي كلام وحش وقاسې اسمعو يارب انت عالم بحالي فا يسرلي امري ورضني بيه يارب
ومسحت دموعها مياده وراحت نامت .. وتاني يوم صحيت مياده علي صوت الباب
فتحيه
انتي لسه نايمه قومي اناي فرحك خلاص فاضلو كام يوم ورانا جهاز عايزين نجيبه وعايزين نجيبوا شوية حاجات كدا هشك بشك عشان تدلعي الراجل يابت
مياده
لا يا عمتي انا