جنه النسر العاشق

مجد استغرب مين دول واستغرب اكتر لما ام طه قالت...اجري يا طه عربياتهم لسه هنا هات منها كريك خلينا نسحب البنيه قوام
مجد قال بسرعه..انتو مين وازاي عارفين ان فيه بنت مدفونه حيه هنا ..هو ايه الي بيحصل هنا
بقلم..زهرة الربيع
ام طه قالت..بعدين يا ولدي بعدين خلينا نلحق البت الاول
اول ما خلصو حفر وشالو التراب مجد شاف ايد جنه ظهرت وكانت صوبعها بتتحرك اتنهد وقال.. الحمد لله عايشه... وسحبها بكل قوتو طلعها بعيد عن الحفره
مجد سندها عليه وبقى ينضف التراب من عليها وهو بيقول..مټخافيش...هتكوني بخير سمعاني مټخافيش حاولي تتنفسي

جنه جالها صوتو كانو حد بيكلمها من بعيد جدا او زي مايكون حلم مكانتش قادره تفتح عنيها ولا تاخد نفسها
مجد اتنهد وقال..انت يا استاذ انا مش عارف انت تقربلها ايه بس متخافش هتكون بخير ان شاء الله ..اهدى وحاول تساعدني
طه بقى يبكي اكتر ومكانش قادر يقوم من مكانو وامه قالت بسرعه...انا هساعدك يا ولدي عايزني اعمل ايه
مجد قال ...افتحي شنطتي الي هناك دي وهاتي منها قزازة الميه بسرعه
ام طه جريت على الشنطه ومجد شال النقاب بسرعه من على وش جنه واول ما جابتلو الميه بقت تكبلو علي ايده وهو يغسل لها وشها وعيونها من التراب
وبقى ينضف شعرها ويحطلها ميه على شفايفها حاول كتير انها تشرب بس كانت الميه ترجع ومتتبلعش
مجد قال بقلق..البنت دي لازم تروح المستشفى..شكلها بټموت
هنا طه ذاد بكاه وحط اديه على دماغو وبقى يبكي جامد
مجد اتغاظ منو وقال..انت يا اخ انت.. كفايه بقى وترتنا ابقى ابكي بعد ما ټموت ايه ده..وشال جنه وطلع بيها جري