رواية تغيرت به بقلم الكاتبة رنا ماهر
– انا بس الاقي شغل وهرجعم لحضرتك تاني
= مش قصدي على الفلوس قصدي ايه اللي بتقوليه ده ؟ ايه اللي انتي بتعمليه في نفسكم وفي حياتك يا سيلين ؟ ليه تستخبي بسبب الكلا*ب دول كأنك عاملة جر*يمة
– طيب اعمل ايه ؟
= بصي انتي تباتي هنا وبكره نحل الحوار كله
– ابات هنا ؟ لا مينفعش
روحت عند الباب وقبل ما افتحه وقف قدامه ومنعني
– من فضلك يا دكتور ابعد عن الباب عشان امشي
= مش هتمشي
– لا لازم امشي
= قولتلك مش هتمشي انتي شايفة الساعة وصلت كام والشارع تحت ضلمة من أوله الي أخره ومليان عيال متربتش افرض وقعتي في ايدهم بصي من الاخر كده مش هسمحلك تمشي
= لو خايفة من الناس بره اي حد هيسألني ويقولي مين اللي جات عندك دي هرد عليه رد علمي ومنطقي
– هتقوله ايه ؟
= هقوله وانت مالك
حاولت ابعده معرفتش راح طلع مفتاح الباب وقفله
– يا دكتور ….
= ششش مفيش ولا كلمة على جثتي لو خرجتي دلوقتي
ملقتش فايدة من المحاولة وفي نفس الوقت كنت مطمنة وبقول لنفسي دكتور سيف لو غرضه وحش مكنش زماني عايشة دلوقتي وكنت واثقة فيه وارتحت لما روحت عنده بدل من الرعب اللي كنت عايشة فيه
خبى المافتيح وقالي
= ثواني هروح اطفي على الشوربة
دخل المطبخ روحت وراه
= يا سبحان الله ايوة يا بنتي بعرف واحد عايش لوحده طبيعي يعمل الاكل لنفسه ايه هقضيها اوردرات لغاية ما ابقى شحات يعني
– اصل اللي اعرفه عن الشباب انكم مش بتدخلوا المطبخ غير مرة كل سنتين
= لا انا مش كده بدخله ألف مرة في اليوم
– دكتور هو انت اللي بتنضف المطبخ برضو
= اه يا سيلين ايه العيب ف كده
– يعني مش بتجيب حد ينضفه ؟
= لا لا بنضفه بنفسي انا ضد الفكرة دي أساسا لان كل حاجة هنا بترتيب معين مني ف مش بحب اي حد يغير طريقة ترتيبي لاي حاجة هنا
– قصدك مش بتحب اي حد يمسك حاجتك صح ؟
ابتسملي وقال
