رواية حماتي كاملة بقلم ليان محمد
رواية حماتي الفصل الثاني
مااستحملتش واتصلت بمحمد يجى البيت حالا وانا متعصبه
محمد ساب الشغل ورجع البيت دخل لقى امه فى المطبخ بتطبخ وانا فضلت فى الاوضه مستنياه
_ خير ياماما حصل ايه
_ خير ياابنى ايه اللى جابك
_ مريم اتصلت بيا وقالت انكم اتخانقنا
_ والله يابنى مااتخانقنا ده هى مدايقه انك ادتنى مفتاح وانا يابنى هسرقكوا يعنى ولا اعمل حاجه وكمان جزاتى كمان عايزه اطبخلك وهى تزعق فيا وتقولى لا مالكيش دعوه وانا سكت وهى كمان اللى تتصل بيك وتشتكى عالعموم يابنى خد مفتاحك اهو وانا مش طالعه بيتك ده تانى
_ لا يابنى انا مش عايزالك مشاكل انا نازله بيتى اقعد بكرامتى انا كنت بعتبرها زى بنتى والله يابنى
ونزلت حماتى من البيت رغم ان محمد حاول يمسك فيها لكن هى صممت
محمد دخل عليا الاوضه متعصب
_ ايه اللى انتى عملتيه ده لازم تفهمى ان امى دى تطلع وتدخل براحتها وانتى مالكيش حق تتكلمى ولا تمنعيها وانتى ازاى اصلا تسمحى لنفسك تتكلمى معاها بأسلوبك الزفت ده وانتى اهلك مش علموكى ازاى تكلمى اللى اكبر منك
_ وانتى فاكره امى هتكذب عليا مثلا
_ واضح انها عملت كده فعلا
_ احترمى نفسك بدل ماامد ايدى عليكى انتى سامعه ولا لا
_ انت حتى ماكلفتش خاطرك تسمع منى
_ هتقولى ايه
_ هقولك انها مانعانى اخد راحتى فى بيتى وخانقانى واتكلمت معايا بأسلوب مش كويس وانت كمان مديها مفتاح
_ لكن تيجى عليا انا عشانها
_ وانا جيت عليكى
_ انت مش شايف اسلوبك هتيجى ايه اكتر من كده متجوزه بقالى اسبوع ومش عارفه احس انى عروسه زى اى مخلوق
_ بصى انا بجد ماكنتش عارف ان الجواز مقرف كده
"اتصدمت من كلمته ليا ودموعى نزلت من عينى وفضل واقف باصصلى قرب منى وخدنى فى حضنه وطبطب عليا "
_انا اسف حقك عليا مااقصدش والله بس دى امى يامريم وانا عارف انها متعلقه بيا بزياده بصى انا هاخدك وننزلها تحت وتتصالحوا
"بعدت نفسى عنه "
_ انزل فين..انا مش نازله هى اللى غلطت فيا
_ وانتى عايزه امى اللى تعتذرلك يامريم
_ لا مش عايزاها تعتذر بس انا مش نازله عايز تنزل انزل انت
"محمد نزل عند والدتى فعلا ومافرقش معاه اللى انا فيه وشايف ان الموضوع عادى اتصلت باامى وفضفضت معاها وانا بعيط فضلت تهون عليا وقالتلى انها جايالى فى الطريق هى واختى
_ خلاص بقى ياماما ده مريم بتحبك قوى
_ لا يابنى مراتك مش طايقانى وانا مااحبش اكون عبء على حد شقتك مش طالعاها تانى ويبقى دى اخرتها انا اتعب واربى واكبر وفى الاخر هى اللى تاخد كل حاجه عالعموم يابنى المهم انك مبسوط معاها
_ انتى بتقولى ايه ياماما ده بيتك وانتى حقك تطلعى وقت ماتحبى وده سوء تفاهم بينكوا
_ لا ياامى طبعا انا هاكل معاكى وهى تبقى تنزل تاكل معانا تحت
_ لا يابنى عشان ماتزعلش
_ لا مش هتزعل انا جوزها وواجبها تسمع كلامى
" والدتى جت البيت عندى واول ماشوفتها انهرت من العياط "
_ شوفتى يماما حماتى وعمايلها
_ اهدى يابنتى برضوا تتحمليها
_ اتحمل ايه ياماما انا بجد تعبت
_ طب وجوزك رأيه ايه
_ جوزى كل كلامه امى امى
"محمد دخل البيت وبصلى بغضب "
_ خلاص مابقتش داخله البيت ارتاحى بقى
_ ماتهدى يابنى كده دى امك وده بيت ابنها وتيجى وقت ماتحب
_ يعنى ايه وقت ماتحب ياماما وانا فين
_ عقلى بنتك ياحماتى عقليها عن اذنكوا انا خارج رايح لواحد صاحبى
" ماما زعقت فيا وقالت ماكنش ينفع اتكلم كده وفضلت تتكلم معايا انى مااخربش على نفسى وست كبيره اتحملها واهدى مع جوزى واتناقش معاه بهدوء لما يرجع من غير شد اعصاب "
