رواية قرار اجباري كاملة حتى الفصل الأخير

– ايه دا يا عم ارمي ارمي
وشدها منه ورماها تاني ودفنها تحت التراب تاني
عند سحر
سحر وهي تبتعد عنه بتعب وهي تحاول التنفس
معتز بسرعه حطها تحت التنفس الصناعي
في المق1بر
لااا امشي انت ملكشي دعوه
و حفر تاني وطلع الكيس
-يابني لحسن تكون لعنه ولا سحر اسود تاذيك
الواد بسرعه رماها من أيده وطلع يجري
عند سحر
الدكتوره وهي تفحصها: الحاله مستقره بس زي ما انت عارف ان الغيبوبه هتاثر عليها في حاجات كتير زي انها ممكن متقدرش تمشي لفتره جسمها كله واجعها من قله الحركه ممكن تكون مش فاكره حاجات كتير وأشخاص زيك وزي اهلها مثلا وأصحابها

معتز: يعني هتنساهم لغايه امتي
الدكتوره: فتره موقته وهتبداء تفتكتر كل حاجه تدريجيا
معتز في نفسه: يارب ما تفتكر حاجه
قاطعته تفكيره الدكتوره باستغراب: انا ممكن اسال حضرتك سوال هي مين سحر مش مرات حضرتك اللي جوا اسمها اسماء وانت الدكتور علي صح كدا
معتز: صح بس أسماء مراتي مكنتش بتحب اسمها لأنها كانت عندها عقده وحاله نفسيه في الطفوله فلما كبرت سمت نفسها سحر والكل كان بينادي لها سحر أما عن اسمي فأنا الدكتور علي بس اغلب انا بينادوا لي معتز علي اسم عمي
الدكتوره: اااه تمام يا دكتور معتز
في مكان آخر تحديدا في احدي عيادات الدكتوه حور الدكتوره النفسيه التي نالت شهره واسعه في الاونه الاخيره
الممرضه: اتفضل يا استاذ احمد
احمد قام ودخل للدكتوره حور

د/ حور: ازي حضرتك يا استاذ احمد اتفضل
جلس احمد علي الشازلونج وجلست هي أمامه
د/حور: احكي لي عن اللي عملته طول الاسبوع

احمد: معملتش حاجه محمد حاول يخرجني بس انا مش قادر انا مش قادر اعمل حاجه ومريم حاولت معايا علشان اروح لها
قاطعته د/ حور: مريم دي اللي كانت بتحبك وعاوزاك تتجوزها
احمد: بالظبط كده
د/ حور: اديها فرصه تتدخل حياتك اديها فرصه تعوضك عن اللي فات
احمد: مش قادر سحر هي كل حياتي انا لما بنام هي بتبقي جانبي سحر في كل حته حواليا أيوا
احمد بانهيار: انتي بتقولي زيهم ليبيه وانتي عارفه كويس اوي سحر كانت بالنسبه لي اييييه شهرين وانا متابع معاكي وبردوا مش فاهماني مش حاسه اللي جوايا مش عارفه يعني ايه أن الانسانه اللي حبتها وعشقتها طول عمري تضيع مني ومعرفش اوصل لها انتي زيك زي اللي قبلك محدش فاهمني محدش حاسس باللي جوايا
د/ حور بحده: انت عارف من البدايه أني أنا مش زيهم عايزين اديك ادويه انا معنديش مانع بس هبقي باذيك مش بنفعك وقولت لك اكتر من مره أن حالتك دي انت المسؤل عنها بايدك تعيش سعيد لكن انت اللي عاوز تعيش علي الماضي اللي كل ما تبص فيه تفتكرها لييه تعيش علي ذكريات الماضي ما دام قدامك تقدر تعمل ذكريات جديده
وقع احمد منهار وبصوت مبحوح: بس انا مش قادر انساها مش قادر افكر في حاجه تانيه غير فيها
ساد الصمت لثواني
لتقاطع د/ حور ذلك الصمت
د/حور: صدقني يا إحمد طول ما انت بالحاله دي وقاعد في البيت ومبتتبعش تعليماتي اللي بقولك عليها يبقي توفر فلوسك لأن انا مفيش في أيدي حاجه اعملها لك طول ما انت مش راضي تسمع لي بقالي شهرين بحاول معاك اني اغيرك بس انت اللي بتسوء يوم عن يوم لحد امتي هتفضل كدا
احمد بحده: لحد ما ترجع لي مراتي
د/ حور: تب اقولك سافر ودور عليها انقل شغلك ل فرع شركه في أي بلد تانيه ودور عليها وهناك هتشوف ناس جديده هتتعرف علي ناس كتير وواحده وحده هتتاقلم هناك وفي نفس الوقت تدور عليها انا مش بقولك انساها بس انا بساعدك ترجع ل حياتك من جديد
احمد: بجد ممكن القيها
د/ حور: نحاول مره واتنين وتلاته جرب واسعي واكيد هتلاقي
احمد: هحاول وهعافر صح كده
د/حور: صح جدا
احمد مسك التليفون واتصل ب محمد
احمد: الو يا محمد
محمد: ازيك يا احمد
احمد: محمد قدم لي طلب ل مدير الفرع ينقلني في فرع التاني
محمد: انهي فرع فرع الرياض ولا نيويورك ولا فرنسا
احمد: فرع الرياض علي الاقل في منهم مسلمين زينا وعارفين عادتنا وتقاليدنا
محمد: حاضر يا احمد