هذا ما جناه اخى

انا اتجوزتها اما حضرتك هربت وسړقت الفلوس انا اتجوزتها
باسم خلاص طلقها
باسل اطلقها
باسم اه طلقها وانا هتجوزها
باسل مينفعش طبعا انت بتقول ايه 
باسم سكت ومردش عليه
باسل ارتاح وانا هخرج اطمن من الدكتور علي حالتك
خرج باسل وهو متوتر ومش عارف يعمل ايه ولو ليندا عرفت ان باسم رجع هتعمل ايه راح للدكتور اطمن علي حاله اخوه والدكتور قاله انه هيخرج بكره رجع لاخوه وقعد معاه وبعدين روح البيت متاخر كانت ليندا قاعده منتظره رجوعه اول اما دخل من البيت جريت عليه وهو ابتسم
باسل هو انا كنت مهاجر
ليندا اتاخرت وانا خفت عليك . حتي مردتش علي التلفون

باسل معلش انا اسف . كنت بس في مشوار
ليندا مشوار ايه
باسل بكدب صحبي عمل حاډثه و كنت معاه في المستشفي
ليندا لا حول ولا قوه إلا بالله طيب هو كويس
باسل تعبان ومفيش حد من قريبه وانا واقف معاه
ليندا ربنا يشفيه
باسل يارب
ليندا تتعشا
باسل وهو داخل علي غرفته لا تعبان هدخل انام عايزه حاجه
ليندا اتضيقت لا تصبح علي خير
باسل وانتي من اهل الخير
الايام بتعدي وباسل طول الوقت بيفكر وخاېف ان ليندا تعرف برجوع باسم وايه هيكون رد فعلها
بيخرج ويغيب طول اليوم وقاعد مع باسم في الشقه القديمه ومش بيطمن عليها وله بيتصل بيها طول النهار ويرجع يدخل اوضه بليل وينام بيتهرب منها ليندا زهقت من تصرفات باسل معاها علي طول مشغول عنها واما تتصل تطمن عليه مش بيرد الشك ملي قلبها وخاېفه يكون علي علاقه بواحده وفجاه جت في بالها نفين اما قالت انها هتطلق من جوزها عشان ترجع لباسل لانها بتحبه فضلت سهرانه لحد اما باسل رجع
ليندا باسل عايزه اتكلم معاك
باسل بتهرب تعبان خليها الصبح
ليندا لا . انت الصبح بتنزل مستعجل وباليل بتقول عايز انام .
باسل اتفضلي اتكلمي عايزه ايه
ليندا انت مشغول عني في ايه انا مش مرتاحه يا باسل بتسبني لوحدي كتير وانا مش متعوده منك علي كده
باسل قلبه بيدق وخاېف علي ليندا لتعرف ان باسم اخوه رجع بصصلها نفسه يقولها هو بيروح فين بس هي لو عرفت هتضايق منه ومن رجوع باسم
ليندا مسكت ايده باسل مالك صرحني وقولي في ايه
باسل طبطب عليها مفيش يا ليندا بس صحبي اللي حكيتلك عليه اللي عمل حاډثه هو وحيد وملوش اهل وانا بروح اقعد معاه
ليندا باسل انت مش بتكدب عليا صح
باسل لا وبعدين انا مشغول بيه عشان مريض بس اول اما يخف مش هتاخر تاني وبعدين مش انا بخدك اوقات اوديكي عند عمك صلاح وساعات ايمي صحبتك وبتعدي اليوم معاهم
ليندا ايوه يا باسل انا مش بتكلم عليهم انا بتكلم عليك انت بتبعد عني من وقت رجوعنا من الرحله 
باسل فتره يا ليندا وهتعدي ظروف حصلتلي مش قادره تستحملي وله خاېف من القعده لوحدك 
ليندا رمت نفسها في حضنه وهو اټصدم من فعلها وقلبه بيدق جامد وضمھا ليه
ليندا انا استحمل ايه حاجه وانت معايا انت حمايتي يا باسل
باسل شعر بنغزه في قلبه وحاسس پخوف هو اتعود عليها ومفروض انه بيحميها من اي حد يأذيها فكر يقولها علي باسم بس قلبه خاف لتبعد عنه لا مش هيسمح انها تبعد عنه هو اتعود علي وجودها في حياته
باسل لينو بكره انا هقعد معاكي ومش هنزل متزعليش
ليندا ضحكت تمام اتفقنا اليوم كله بتاعي انا وبس
باسل بابتسامه ايوه شوفي بقي عايزه تعملي ايه
ليندا هنبدا من دلوقتي
باسل الساعه ٢ الفجر
ليندا انت قولت اليوم بتاعي والساعه عدت ١٢ 
باسل ضحك ومسك خدها بتستغلي المواقف كويس
ليندا ضحكت ايوه يلا تعالي معايا
خدته وراحت علي المطبخ وباسل ماشي معاه وساكت
ليندا بفرحه هنعمل فشار ونتفرج علي التلفزيون
باسل اوك. براحتك يا لينو بس انا عايز انام 
ليندا مفيش نوم انت قولتلي ان اليوم ده بتاعي انا صح
باسل صح يا لينو ليندا عملت الفشار وراحت علي الريسبشن وشغلت التلفزيون وقعدت مع باسل بعد اما غير هدومه
اتفرجو علي فيلم وباسل نام وهو قاعد ليندا مردتيش تصحيه 
ليندا باسل مش ممكن يخوني اكيد كان مع صحبه زي ما قال هو قلبه طيب وبيحب يساعد الناس 
ليندا نايمته ورفعت راسه علي رجلها وكانت فرحانه انه معاها فضلت كتير تتامل فيه وتلعب في شعره الناعم الاسود وهي بتضحك وبعدين نامت باسل صحي الصبح وبيفوق بيبص حوليه ابتسم كانت ليندا نايمه وهي قاعده بصلها بحب قام وشالها وډخلها علي اوضتها ونايمها علي السرير
ليندا بنوم باسل
باسل اشش كملي نوم
وهي ماسكه فيه بيحاول يفك ايديها
ليندا بنوم لا ممش هسيبك خليك معايا
باسل ابتسم ونام جنبها وبيلعب في شعرها وهي نايمه ومسكه فيها ليمشي
باسل لنفسه معقول اكون بحبها اه بحبها زي اختي
صحيت من النوم ودخلت الحمام كان باسل في المطبخ
ليندا صباح النور
باسل قصدك مساء النور الساعه٣ونص العصر
ليندا انت نمت
وانت بتتفرج علي التلفزيون وانا معرفتش انام
باسل كنتي صحيتيني اكيد منمتيش بسببي
ليندا لا انا كنت فرحانه انك جنبي ومعايا
باسل ابتسم اها بتستغليني تاني
ليندا