الجزء الاول الرجل الغامض
باين عليا
ليلي عمري
ابتسموا الاتنين لبعض ويدوب بصوا لقدام وهيتحركوا علي خطڤ صوره ليهم بسرعه
ادهم طيب قول انك هتصور
على لا كنت عايز الابتسامه الصافيه مش مصطنعه
علي حضن ابنه جامد
على مبروك يا اجمل حاجه حصلت في حياتي انت اللي صبرتني في الدنيا دي وعطيتني امل وسبب اعيش علشانه
والنهارده اسعد يوم في عمري كله انك انت وحبيبتك اتجمعتوا اخيرا
اوعي يا ادهم تفرط فيها او تسيبها تضيع منك فاهم يا حبيبي
ادهم فاهم يا اجمل اب في الدنيا دي كلها
علي طيب الحمدلله انه انت بص لليلي مبروك يا اجمل عروسه في الدنيا
خلي بالك من ادهم وافضلي حبيه ديما
ليلي الله يبارك فيكي يا عمي وادهم جوه قلبي
ريهام سلمت عليهم وباركتلهم
طول الفرح بيرقصوا مع بعض
ادهم طلع علي الاستيج وبدا يحكي
ادهم كله يسيب اللي في ايده ويركز معايا
قالها زي احمد حلمي في اغنيته فكتير ضحكوا
لا مش هقلد احمد حلمي
المهم انا عايز اقول حاجه بسيطه لليلي
ليلي انتي اجمل حاجه حصلت في حياتي
اول
يوم شفتك فيه عرفت انك هتغيري حياتي كلها وفعلا شقلبتي كياني كله
انا مديونلك يا عمي حسين بالنهارده
متشكر قوي علي وقفتك معايا وعلي وقفتك ضدي لما كنت بطلع عن الطريق الصح
في ناس كتيره وقفوا جنبنا لحد ما وصلنا للنهارده وفي برضه وقفوا ضدنا وبرضه بشكرهم
كله يهيص
الكل فعلا هاج وهيص والموسيقى اشتغلت وادهم غني اغنيه جرالي ايه لعمرو دياب
وكان بيتنطط طول الاغنيه
ليلي غنت لادهم اغنيه بطمنك لشرين
وهو غني اغنيه برتاح لرامي صبري
ورقصوا هما الاتنين علي الاغنيه دي
وهما بيرقصوا مع بعض ادهم حاول يبوسها بس هيا بعدت
ادهم ايه ده بقي
ليلي ممكن لما نبقي لوحدنا
ادهم وليه بقي ان شاءالله
ادهم وايه بقي اللي مش هيخليها هنا مميزه
ليلي مش قدام الناس كده مش قدام بابا وخالد وجيراني! عايزه اكون انا وانت لوحدنا مش عايزه اكون بفكر في اي شيئ تاني عايزه انا وانت وبس
مش عايزه اكون مكسوفه من حد او خاېفه من حد
لكن دلوقتي هبقي مكسوفه وخاېفه ومتوتره ومش هيكون ليها معني كبير بالنسبالي
ادهم خلصتي الخطبه الطويله قوي دي حفظتيها ازاي دي
ليلي ضړبته علي صدره
ليلي اخص عليك مش خطبه ده احساس جوايا
ادهم خلاص يا عم ما تزوقش اللي صبرني الشهور اللي فاتت دي كلها يصبرني الكام ساعه دول بس الباقي كله متاح اتفقنا
ليلي اتفقنا
ادهم بيرقص معاها
ليلي انت وعدتني
شالها وفضل يرقص معاها وهو رافعها عن الارض
ادهم لبسها خاتم الجواز
الليله كانت الف ليله وليله
محمد شايف وفاء قرب منها
محمد عقبالنا
وفاء ايه بتقول ايه
محمد بقولك عقبالنا ولا ايه
وفاء لا مفيش ولا ايه عقبالنا
ابتسمت ومسك ايديها قدام الكل ونظره طويله لامها بيوعدها فيها انها جوه عنيه
ليلي بترقص مع ادهم
ادهم انتي بتبصي علي ايه مش مسموحلك تبصي علي حاجه غيري فاهمه
ليلي حاضر بس بص انت كمان هناك
ادهم بص ابص علي ايه بالظبط
ليلي محمد ووفاء
ادهم اخيرا اخوكي اتحرك ده زهق البت
ليلي اخويا ما اتكلمش الا لما بقي مستعد يمسك ايدها في النور وقدام الكل ولا كدب ولا لف ودوران
ادهم انتي بتلمحي لايه سيادتك
ليلي لا ولا بلمح ولا بتنيل
ادهم ايوه اتعدلي بقي بدال ما اعدلك انا ظروفي كانت مختلفه تماما عن اخوكي ووضعي مختلف
فلو سمحتي ما تقارنينيش بحد
ليحست انه هيضايق راحت لفت ايديها حوالين رقبته
ليلي عمري ابدا ما اقارنك بحد ابدا انا بحبك انت زي ما انت كده فاهم بعشقك وبموت فيك
ادهم طيب مش كفايه بقي نروح
ليلي عايز تروح يالا
فعلا ادهم وليلي روحو وطبها اللي زفهم كان عم حسين اللي كان فرحان جدا
ادهم ايه يا عم حسين ساكت مش عوايدك
حسين الفرحه ملجماني مبروك ليكم انتو الاتنين
ياه اخيرا اتجوزتو اخيرا
ادهم يعني لما انت تقول اخيرا كده انا اعمل ايه اخرج من هدومي
حسين لا خليك جوه هدومك لحد ما تروح
ادهم ضحك هو وحسين وليلي اتكسفت جدا
وصلوا البيت وادهم طرد الكل ورفض اي حد يدخل جوه عتبه الباب حتي
قفل الباب ودخل لحبيبته
ادهم ايه باصه للارض كده ليه تعالي
ليلي ادهم انا
ادهم ايوه انتي
ادهم السلم وراكي هتوقعي
ليلي مش هقع وانت موجود
يدوب نطقتها وكانت هتقع فمسكها هو وشدها عليه
ليلي مش قلتلك مش هقع وانت موجود
ادهم ابتسم هو انا قلتلك قبل كده قد ايه بحبك
ليلي قول تاني
