نضال الحياة بقلم يارا عبد العزيز
سارة بغضب: مين دى يا سيف وبتعمل ايه فى شقتك
سيف بتوتر: دى دى ساكنة جديده للبيت انا اجرتهلها
سارة: والله وبتعمل ايه انت بقى هنا
سيف: كنت نسيت المحفظة بتاعتى وباخدها يا سارة هو تحقيق ولا ايه
سارة: وانت محتاج فلوس اوى كدا عشان تأجر بيتك يا سيف يا اميرى
حياة: حضرتك فاهمة غلط كابتن سيف مش بيكذب عليكى هو فعلا مأجرلى البيت
سارة بعصبية: انتى اصلا بتتكلمى ليه هو انا كنت وجهتلك كلام انتى تخر"سى خالص
سيف بصوت عالى: سارة
سارة: كمان بتزعقلى عشانها ماشى يا سيف اشبع بيها
وسابتهم وخرجت
حياة وهى ماشية وراها: يا انسة سارة حضرتك فاهمة غلط
سيف: سبيها انا هبقى اشوفها
حياة بدموع: انا اسفة والله
سيف: انتى ملكيش ذنب فى اللى حصل ومتعيطيش
حياة: طب مش هتروح وراها
سيف وقتها استغرب من نفسه وانه مهموش سارة اللى مشيت وفضل مع حياة
سيف: اه عن اذنك
حياة: اتفضل
سيف خرج ورا سارة
حياة: يا رب ما يحصلش ما بينهم مشكلة بسببى يا رب
سيف جرى على سارة كانت طالعة بعربيتها دخل العربية
سارة: ايه اللى جابك ما تخليك مع الهانم
سيف: انتى ليه بتفسرى كل حاجه على مزاجك مين قالك ان فيه ما بينى وما بينها حاجه
سارة بدموع: دى
كانت عبارة عن مسدج مبعوتة لسارة
" خطيبك بيخونك فى شقته اللى فى المعادى لو مش مصدقه روحى شوفى بنفسك"
سارة ببكاء: كنت طول ما انا جاية بقول لا استحالة سيف يعمل كدا واكيد مش هلاقى حاجه بس ايه اللى حصل طلعت صح
سيف: اهدى يا سارة انتى فاهمة غلط
سارة: فاهمة غلط ازاى انت مشفتش بصاتك ليها كانت عاملة ازاى يا سيف دا انت كنت بتبصلها وباين فى عيونك حب كبير عمرى ما شوفته في عينك قبل كدا ليا
سيف: انتى بس بيتهيألك
سيف حكى لسارة موضوع حياة من اوله
سارة: يعنى انت ساعدتها عشان تردلها اللى عملته معاك مش اكتر
سيف: اه اهدى بقى
سارة بأببتسامة: طب خرجنى
سيف: عندى شغل انا اصلا سايب الشغل وجيت عشان المحفظة حتى اسألى اخوكى
سارة: ماشى يا سيف هو زياد كان بايت معاك انبارح
سيف: اها
سارة: اصل رنيت عليه مش بيرد
سيف فى نفسه: يخربيتك يا زياد
سيف: هتلاقيه مسمعوش ولا حاجه
سارة: تمام
سيف: هروح الادراة انا بقى ومتزعليش
سارة: حاضر بحبك
سيف وقتها افتكر حياة
سيف: وانا كمان
فى المساء
ندى: هتبات هنا انهاردة
