رواية خادمة الصقر رائعة جدا
وفي لحظه ما بقتش شايفه صقر قدامي وكاني ما اعرفوش اصلا
خالد باس راسها / وانا بمو*ت فيكي، انا علشان خاطرك عملت كل حاجه انت مش متخيلاه
رجعت مصر وسامحت جاسر وعساف عشان حسيت بطعم الحب منك انتي.. اوعي تبعدي عني
و حياتي عندك
نغم ابتسم وحضنته / انا عمري ما هبعد عنك انا هلزق فيك والله طول العمر.. اقولك حاجة انا مستعده اعيش معاك في اي حته في العالم من غير حتى ما تاخذ ورثك من صقر بس بشرط واحد.. انك تنسي الماضي يا خالد وتبص لمستقبلك وبس
خالد وهو بيد*مع / وانا موافق يا نغم..
______________________________________
في اوضة عساف..في الحمام
كريم كان ماسك ايد عساف غص*ب عنه ومعاذ كان بيساعده
عساف / انتوا بتست*قوا عليا يعني، اوعي يا كريم
انتوا عارفين اني ممكن احبس*كوا عادي.. اوعوا بقي
جاسر / اثبت علشان احلقلك دقنك دي، طب بذمتك ده منظر ضابط شرطة يا ل*ص.. اثبت يلاااا
عساف / يوووه.. حتي انت يا معاذ بتساعدهم
جاسر انت هتتن*فخ علفكره
جاسر / بص افضل اتحرك كدة لحد ما اعور*ك عادي يعني هو وشك ولا وشي مثلا..
و فعلا بعد معاناه حلق*وا لعساف دقنه وشعروا وخرج من الحمام وهو عمال يش*تمهم
كريم / افضل اش*تم انت كدة، معانا عيل صغير بيلقط
مش انت بتلقط يا معاذ
معاذ بضحك/ اه بلقط يا كيموو
عساف ضحك جامد/ طب هات حضن يا اللي بتلقط انت.. بقولكوا ايه خلصتوا ورخ*متوا عليا اطلعوا برا بقي
جاسر / يووه انت قف*يل يلااا ليه كدة، وبعدين عمو
جهز الفطار.. وقبل ما تعترض يلا كريم شيل الواد ده معايا.
و فعلا خرجوا كلهم علشان يفطروا واقنعوا عساف انه يروح الشغل..
و كريم اخد معاذ وراح الفيلا عند صقر
عساف راح القسم وجاسر راح يشوف عزة..
جاسر راح يستني عزة قدام الحضانة بتاعتها
جاسر بستهبا*ل / ايه ده معقول الصدفة الرهيبة دي.. وبعدين انتي ازاي يا بت انتي تقفلي التليفون في وشي امبارح وانا بكلمك
عزة / انا اسمي عزة مش بت وبعدين معقول الصدفة جابتك تقف قدام شغلي.. واوعي بقي من وشي علشان انا عندي شغل
جاسر / طيب انتي اللي بقالك كتير واقفة كدة ولا ايه.... اركبي يلا علشان اوصلك لاني عايز اتكلم معاكي في موضوع مهم جدا
عزة / بس انا بقي مش عايزه اتكلم معاك واتكل بقي علي الله علشان انا مودي وحش اوي النهاردة ومش فايقالك
جاسر / ايه يا بنتي قلة الذو*ق دي..و بعدين انا مش بطلب منك انا بأمر*ك انك تركبي اصلا..يلااا قدامي
يلا علشان مش عايز اعلي صوتي في الشارع
و مسك ايد عزة غص*ب عنها وعزة حاولت تز*قه..
عزة بتهد*يد / انت عارف لو مسبتش ايدي أنا هعمل فيك ايه حالا يا جاسر
جاسر / ولا تقدري تعملي حاجة علفكرة..انتوا كدة البنات مش بتعملوا حاجة غير انكوا تهد*دوا..يلا اركبي بقي الناس بدات تبص علينا
عزة / كدة طيب.انت اللي جبتوا لنفسك …الحقو*ني يا ناااس..حرا*مي
و فضلت عزة تصو*ت والناس فجاه اتلمت حوالين جاسر وهو كان مصدو*م من اللي حصل..
جاسر بصد@مة / الله يخربيتك..علفكرة انا مش حر*امي..دي بتكدب والله..عزة استني يا عزة فهميهم انه مق*لب..
لكن عزة مشيت اصلا وركبت هي كانت بتضحك وفاجاه الناس فضلوا يضر*به جاسر في الشارع واخدووه علي الق*سم بعدهااا..
______________________________________
في الفيلا...
في الجنينة..معاذ جري علي قمر
معاذ / متاخرتش اهووو.. تعالي نلعب شوية
كريم / سيبها يا معاذ علشان لسه تعبانة.. ازيك يا قمر انا اسف اني مجتش امبارح اطمن عليكي حقيقي انا لسه عارف النهاردة، حقك عليا..
قمر/ متقولش كدة.. وبصراحة بقي انت جيتلنا من السماء احنا هقولك سر بس محدش يعرفه
كريم ضحك / والله محدش هيعرف اي حاجة..وعد مني.. بس طمنوني في حاجة حصلت
