رواية خادمة الصقر رائعة جدا
صقر ضحك / يوسف ده غلبان، ولا عشان يعني حب نور و هيتجوزها يبقى وحش..ده ندل بس
و بينت*قم من عساف، صحيح هو فين عساف
جاسر / معرفش عنه حاجة من امبارح، بقولك هو انت بجد مش عارف مين اللي ورا نانسي يا صقر
صقر بصله وهو مبتسم / ولو قلتلك مين اللي ورا نانسي هترتاح ما اعتقدش يا جاسر، انت بالذات
مبتعرفش تتحكم في اعصابك ولا في عواطفك ولو عرفت مين اللي وراها مش بعيد تبوظ كل حاجه
جاسر قعد قدام صقر / اوعدك اني اتحكم في اعصابي بس انا عايز اعرف مين اللي وراء نانسي بجد انا بقيت اشك في نفسي
صقر/ بص انا مش هينفع اقول لك مين اللي ورا نانسي بس اللي اقدر اقوله لك اني مستحيل اتجوزها لانها ببساطه متجوزه
جاسر بصد@مة / لا انت اكيد بتهزر.. صقر اكيد انت فاهم غلط 😳😳
__________________________________
في الفيلا عند نانسي
امها / انا عايزه افهم انت ليه قلباها نكد ده خلاص كل حاجه متفقين عليها قربت تحصل، وهتتجوزي صقر الحديدي اللي بنات مصر هيمو*توا عليه
نانسي وهي نائمه على السرير / وتفتكري بقى صقر الحديدي لما يعرف اني مش بن*ت هيعمل ايه
اقل حاجة هيمو*تني
امها بقلق / اكيد مش هتوصل لكده، انتي بجد خو*فتيني والعمل ايه
نانسي بدمو-ع / مش عارفة بس نفسي اوي اخلص من الح*بل الي ملفو*ف حوالين ر*قبتي
_____________________________________
في كافيه علي النيل..
همس قاعدة لوحدها سرحانة وفاجاه لقت والدها دخل وقعد جنبها.
عدلي / كنت عارف ان هالاقيكي هنا وعارف ان انت اول ما بتخا*في او بتتضا*يقي من حاجه تيجي تقعدي في كافيه ده..
همس كان حالتها سيئة اوي ورافضة تتكلم مع حد
و بتع*يط في صمت..
عدلي مسك ايديها/ انا مش باحب اشوفك كده يا حبيبتي، عارفة امك الله يرحمها لما كانت بتز*عل مني كانت بتيجي تقعد في نفس الكافيه وتستناني اجي اهزر معها ونتصالح، نفسي انا وانتي نبقي صحاب
همس بصتله بدمو*ع وبرضو مردتش عليه..عدلي بصلها بيا*س / طيب بلاش تردي عليا دلوقتي
بس تعالي نروح انتي شكلك تعبا*ن اوي يا حبيبتي
حتي علشان اسالك ليه عساف سأل عليكي النهاردة
همس بصلت لابوها واتكلمت بصوت متق*طع وحز*ين / بابا.. انا عايزة اسافر عند عمي
ورحمة ماما ما ترفض
______________________________________
في البيت بتاع نغم.
خالد بصد*مة/ حبيبة انتي ايه اللي جابك هنا.. اطلعي برااا
كريم / خالد لو سمحت اهدا ماتخليش حد يع*صبك كده..وانتي ايه جابك هنا ثاني ما تبعدي بقى عنه
حبيبه بد*موع / يا ريتني كنت اقدر يا كريم انا بعدت عنه كثير قوي... بس جيه الوقت اللي اظهر فيه وحزروا عشان بحبه
حبيبه بصت لخالد وقالتله / انا عارفه انك فاكرني سبتك وجيت عليك بس والله العظيم انت مش عارف الحقيقه.. خالد انا رجعت لما عرفت انك هتتجوز اكيد... بس انت اكيد معملتش كده...صح
انت لسه بتحبني وانا واثقة
نغم بصد*مة / بيحبك... خالد مين دي
حبيبة / انا مراته.. ابعدي عننا بقي حرام عليكي
