خاني زمان ورجع لقيته متقدملي القصة كاملة
– ياتري فارس عرف إيه عن ميرا خلاه يقلب عليها ! ودا فعلًا كلام وخلاص ؟
– ياتري سارة إيه اللي في دماغها ناوية تعملو!
_ وهل فعلا ً فارس ندمان عن اللي عمله ولا علشان سارة تغفرله؟
كانت سارة قاعده في أوضتها وبتكلم مليكه شات واتساب..
سارة ( مليكة أنا مش عارفة هقولو إزاي علي الفرح أنا أصلًا قولتلو مش هخليك تشوف وشي تاني وحقيقي مش عارفة أعمل إيه )
سارة ( لأ لأ أنا مش عايزه أخليه يشوفني أنا وعدتو بكدة )
مليكة ( يووه مش وقت دا خالص يا سارة إبقي إعملي اللي تعوزيه بعد الفرح ويا سلام لو جه وشاف أخو شيري اللي أصلًا عينو عليكي من أيام الثانوي فاكرة!! )
سارة بعتت إيموجي ضحك وكتبت ( ياااه كانت أيام لطيفه الله لا يرجعها والله وبعدين أخوكي لو جه معايا الفرح هيبقا عادي..مش هيفرق معاه متنسيش إنو مبيحبنيش )
مليكة ( هنشوف دا هنشوف بجد بس إنتي إعملي زي ما قولتلك )
سارة ( طيب طيب سلام دلوقتي هقوم أحضر الغدا )
قفلت سارة الفون وقامت فتحت الباب..
قربت بهدوء وفتحت الباب بحذر لقت فارس نايم جوا
قفلت الباب بهدوء وراحت المطبخ وبدأت تطلع الأكل وبتعملوا..
وهي واقفة بتقطع البصل ومندمجه لقت إيد بتتلف علي وسطـ”ـها وحد بيحضـ”ـنها من ضهرها
إتخضت وكانت هتصوت بس إيد فارس إتحطت علي بوقها وقال بهمس: شششش إهدي دا أنا
أخد فراولة من اللي كانت موجوده في الطبق ببرود وقال: مراتي وأنا حر وبعدين إنتي بسببك معرفتش أشرب قهوه النهاردة
إدته ضهرها وهي بتكمل اللي كانت بتعملو وقالت: والله حاجة متخصنيش إعتمد علي نفسك أو أبقي روح إشربها عند ميرا..
