خاني زمان ورجع لقيته متقدملي القصة كاملة
حاوطت رقبته بإيديها وغصب عنها إندمجت معاه في القِـ”ـبلة..
بعد عنها بعد وقت وقال وهو بياخد نفسُه: أسف بحلاوتك دي مكنتش قادر
بعدت عنه وقالت بجمود تخفي بيهم خجلها وفرحتها: من فضلك متقر_بش مني تاني لإن أنا مش حابه كدة وبعدين مسحتلي الروج بتاعي
فارس بخبث: كان طعمو حلو وبعدين مش حابة كدة وإنتي إندمجتي أصلًا
جه وقف وراها وحضـ”ـنها وقال: هاخد لينا صورة كدة
سارة بإعتراض: لأ مش عاوزه أتصور
با*سها بو*سة خفيفه من خدها وقال: هي صورة بس مش أكتر
طلع فونه وشدها لحضـ”ـنو أكتر وهو حاطت إيده علي بطنها وهي حاطه إيديها الإتنين علي إيده وباصين للكاميرا ومبتسمين
بعدتو عنها وقالت: خلاص بقا إنت هتسـ”ـوق فيها ويلا بقا علشان منتأخرش
سابته وطلعت من الأوضة وراحت أوضة الأطفال وبعدها طلعو مليكة وسارة ونيرة من الأوضة ووقفو في الصالة مستنيين فارس
طلع فارس من الأوضة وهو مشمر دراع القميص وفاتح أول زُرارين
فتحت مليكة الباب ونزلت هي ونيرة وسارة كانت هتنزل وراهم مسك فارس إيديها وشبكها في إيده ونزلو سواا..
نزلو ركبو عربية فارس..
ركبت نيرة ومليكة في الكُرسي اللي ورا وكانت هتركب سارة معاهم بس فارس فتحلها الباب اللي قدام
مرديتش تحرجو وركبت قدام وركب هو في كرسي السواق وساق العربية ومشي..
فارس بإبتسامة: تحب أشغلكم إيه تسمعوه علي ما نوصل؟
سارة مردتش وبصت علي الشباك ومليكة قالت: أي حاجة
نيرة قالت: فاكر الأغنية اللي كُنا دايما نسمعها وكُنا بنحبها يا فارس!
فارس بعد تفكير إبتسم وقال: أغنية عمرو دياب بتاعة إنت الحظ ؟
ضحكت نيرة وقالت: بالظبط
شغلها فارس وبدأ يدندن مع الأغنية وهو بيبص لسارة من الوقت للتاني
بص ليها بحب وقال مع الأغنية: أنا لو تاخد عيني يانورعيني عيني ما تتعاز
ضحكت نيرة ومليكة بصوت عالي وسارة بصت للشباك وإبتسمت
▪︎ قدام القاعة ▪︎
وقفت عربية فارس قدام القاعة نزلهم وراح ركن العربية ورجع ليهم تاني..
تني دراعه علشان سارة تحط إيديها وحطت إيديها وهي بتبصله بإبتسامة وهو بيبصلها
