خداع وعشق بقلم سوليية نصار

اتجمدت  لانا لما سمعت صوت أمير لما باباها فتح الباب ..
بسرعة دخلت لاوضتها وقفلت علي نفسها وهي سامعة مراد بيتكلم مع ابوه وفرحان انه جه وعايز يمشي معاه ...غمضت عينيها ودموعها بتنزل ...وحطت ايديها علي قلبها اللي بيدق بس ليه ...
كان قاعد  امير قدام حماه وهو حاطط عينيه في الأرض كل اللي بيعمله عنه بيحضن ابنه ...

رفع عيونه براحة وبدأ يدور علي طيفها بس مكانتش موجودة ...
-دخلت اوضتها وقفلت علي نفسها ...
قالها حماه فبصله أمير بخجل وقال:
-انا عايز اشوفها يا حمايا ...
اتنهد حماه وقال:
-شوف يا بني انا معرفش  ايه اللي حصل بينكم بالضبط ولانا مش راضية تتكلم بس من عيون بنتي أنا شايف انك كـ.سرتها !!
بلع امير ريقه وبص في الأرض بخجل وقال:
-انا جر.حتها يا عمي واستاهل العقا.ب إلا انها تسيبني ...خليني اتكلم معاها ولو لمرة واحدة بس ...ابوس ايديك يا عمي خليها تديني فرصة ! فرصة واحدة بس !!

بعد عشر دقايق...
كانت لانا قاعدة في اوضة الضيوف باصة علي الأرض ودموعها بتنزل ...قرب أمير منها وركع  علي الأرض ومسك ايديها وقال:
-سامحيني يا لانا سامحيني ...
غمضت عينيها  ودموعها بتنزل فمسح أمير دموعها وقال:
-لانا متعيطيش أنا والله مستاهلش ...قولي اللي عايزاه وانا اعمله ...أنا مستعد اتحمل اي عقا.ب !!
-طلقني ...لو سمحت طلقني ..
قالتها بصوت مخنوق ..فهز رأسه وقال:
-لا كله الا الطلب ده ...ابوس ايديكي يا لانا متطلبيش مني اطلقك لاني مقدرش ...أنا مستعد اديكي وقت لحد ما تسامحيني ...مستعد اعتذر لاني غلطت بس متهد.ميش بيتنا بالسهولة دي ...
بصتله بغض.ب وقالت:
-انت اللي هد.مت بيتنا مش انا ...انت اللي روحت تخطب من غير ما تقولي ...كنت فاكرني هفضل حمارة وبثق فيك طول حياتي!!!!!...أنا بس نفسي افهم أنا عملت ايه ليك ...ليه تكـ.سرني بالشكل ده يا أمير...أنا عملتلك ايه ..ده انا حبيتك ..عملت المستحيل عشان اسعدك ..أنا قاعدة وبفكر ايه الغلط اللي عملته عشان تخدعني بالشكل ده ..بفكر وبقول ممكن اكون زعلته من غير قصد ...طيب اهملته ...بس مش قادرة افتكر ..قولي وريحني أنا زعلتك ولا اهملتك ...ضايقتك بغيرتي ...