جر.ي..مة عشق بقلم مريم نصار

ابتسام دخلت شقة عاصم لانه مابيردش عليها وقلقت عليه وهي بتدور عليه في الشقه سمعت ضحكه ماي*عة جدا وكانت جايه من اوضه عاصم
ابتسام خبطت على عاصم
عاصم انت يا عاصم
عاصم:- ثواني يا ماما

سوزي:- يا لهوي امك
عاصم:- اهدى يا بت ما تخافيش
سوزى:- ماخافش ازاي امك بره
عاصم:- قومي البسي دلوقتي واخرجي عادي وقوليلها ازيك يا طنط واخرجي من الشقه وانا هاجيلك بالليل نكمل اللي كنا بنعمله علشان انتي وحشاني
سوزي:- بجد يا عصومي
عاصم:- بجد يا روح عصومك
سوزي:- لبست وخرجت على طول من غير ما تسلم على ابتسام
ابتسام قاعده في الليفنج وعاصم خرجلها

عاصم:- خير يا ماما
ابتسام:- خير يا ماما بقى يابني بتصل بيك من ساعتين واكتر وانت ما بتردش قلقتني عليك
عاصم:- معلش كنت نايم وبعدها زي ما انتي شايفه وفوني صامت خير كنت عايزه ايه؟؟
ابتسام:- عايزه ايه. انا كنت جايه علشان نتكلم في الاوراق بتاعه جاسر انما لما شوفتك دلوقتى كدا
انا عايزه افرح بيك واجوزك بدل ما انت كل يوم والتاني مع واحده
عاصم:- هتفرحي قريب ماتقلقيش
ابتسام:- هو يعني في واحده معينه في راسك لو في قولي وانا اروح اخطبهالك ولو مفيش اخترلك انا واحده غنيه على ذوقي
عاصم:- ايوه في واحده في قلبي مش في دماغي بس
ابتسام قامت بفرحه:- قولي اسمها ايه قول بسرعه
عاصم:- اسمها
ابتسام: يوووه ايوه اسمها

عاصم:- مريم الجزار
عند آدم ومريم
—————
بقلم Mariem Nasar
آدم:-مريوم فونك بيرن
مريم:- مين يا حبيبي؟؟
آدم مكتوب R.M
مريم:- اه دي رنا
آدم:- طيب ليه مسجلاها كده!!
مريم:- عادي ما بحبش اسجل الاسم كامل
آدم:- طيب هتردي
مريم:- ايوه هات كده
آدم ادالها التليفون وقعد على الكنبه وشد مريم قعدها على رجليه وهي مش عارفه تكلمه لانها ردت علي رنا وكل ما تيجي تقوم هو مكلبش فيها
مريم:- اهدى يا رنا يا حبيبتي علشان خاطري ما تعيطيش
رنا:- ازاي معيطش يا مريم ماما حسستني اني وحشه اووي

مريم: لا يا قلبي ماما اكيد متقصدش هههههههههههه
رنا: انتي بتضحكي يا مريم عليا!!!!؟؟؟
آدم بيمشي ايده ويزغزغها على خفيف وهي مش عارفه تقوم ولا تتكلم وبتبصله بشرز وهو بيرخم عليها
مريم:- لا والله يا حبيبتي ما بضحكش عليكي بصي شيرين اختي انا عارفاها اكيد هي زعلت بس علشان شافت انك كده بتهزي ثقت هنا في نفسها هههههههههههه
رنا:- بغيظ انت بتضحكي على ايه!!!!
مريم كحت:-والله ما بضحك عليكي
رنا:- ماما جرحتني اوي يا مريم وقالت اني ما بحبش حد ولا هعرف احب ولا بحب حد انا مخنوقه اوي
مريم:- يا رنا ما تعمليش في نفسك كده هههههههههههه
مريم:- ما تبس بقى بصوت عالي وكانت تقصد آدم
رنا:-انا اسفه يا مريم انا هقفل واضح اني مش مهمه لحد وقفلت
مريم:- لا لا يا رنا استنى استنى وبصت لادم بغيظ عجبك كده اهي قفلت وزعلت مني وحالتها وحشه اوي هههههههههههه بس يا آدم ههههه

آدم:- يا لهوي على آدم دي
بس انا كنت قاصد كده يعني رنا مخنوقه ليه تتصل عليكى
مريم:- امال كنت عايزها تكلم مين وهي مخنوقه كده ولا انت بقى مش عايزها تكلمني!!!
آدم:- عبيطه انتي لا طبعا مش ده اللي اقصده انا قصدي ان الواحد لما يبقى مخنوق بيروح يكلم الانسان اللي بيحبه وانا حكيتلك امبارح ان طارق ورنا بيحبوا بعض وانتي زعلتي ان رنا مش قالتلك وقولتلك يمكن خافت او هتقولك بعدين انا بقى قصدي
ان رنا مخنوقه تتصل على طارق
مريم حاوطت ايديها على رقبة آدم:- وانت خبره بقى امممم نظريه برده
بس رنا زعلت مني اوي يا آدم لو سمحت عايزه اروحلها
آدم:- لا لا لا بصي انا هاعمل معاكي ديل
مريم غمضت عينيها بنفاذ صبر:-يادي الديل هممم قول
آدم:- هتلبسي دلوقتي الطقم اللي هاختارهولك وبعدها هاخلي طارق يجيبلك رنا لحد هنا قولتي ايه؟؟
مريم بشهقه:: انت عايز رنا تشوفني باللبس ده
آدم ضربها على راسها:- لا يا غبيه ايه اللي انتي بتقوليه ده رنا هتيجي بعد ما اشوف الطقم وغمزلها
مريم فهمت عليه:-خلاص موافقه
آدم:- طيب قومي بقى من على رجلي علشان اقوم انقى الطقم ايييه استعنا بيك يا رب
ومريم قلبها بيضحك قبل وشها من اسلوب آدامها حبيبها وحنيته عليها وانه مش حارمها من اي حاجه
آدم اختار لمريم طقم من الشيفون وكان بجد لا تعليق عليه

آدم:- اتفضلي يا ستي مالقيتش غير ده محترم علشان تعرفي بس اني بقدر كسوفك وخجلك
مريم كانت بتشرب ميه ولما شافت القميص كحت والميه جت على تيشرت آدم:- ايه ده ايه ده.. ده محترم انا هلبس ده دلوقتي لا لا خلاص مش عايزه رنا انا هاقابلها بكره واحنا بنتقدم ل هنا
آدم مثل عليها الزعل اوكي شكرا جدا لحضرتك وده المتوقع انك تكسري بخاطري ولف ضهره وضحك بعد اذنك يا مدام مريم انا داخل انام وما تصحينيش لاني مش هتغدى وشكرا على الميا دي
وسابها ودخل الاوضه وحط ايده على بوقه ومش عايز صوته يطلع وسمع خطواتها ومثل انه رمى القميص على الارض وراح ينام
مريم دخلت:- آدم حبيبي
آدم:- لو سمحتي انا تعبان ومش قادر اتكلم وخلاص آدم مش قادر عايز يضحك
مريم راحت عليه:- آدم انت زعلت طيب خلاص قوم بقى انا هلبس الطقم
آدم اتعدل:- لا يا مريم انا مش عايز اغصبك على حاجه
مريم قعدت جمبه وحطت وشه بين ايديها:- الله وهو انا هلبسه لحد غريب هو انت مش جوزي حبيبي وعلشان اثبتلك اني ماقدرش اني اكسر بخاطرك انا هدخل اخد شاور والبس القميص اللي انت اخترته
آدم:- اللي انتي شايفاه صح اعمليه
مريم باسته من خده وقامت
وآدم ضحك جدا وحط ايده على بوقه:- يا عيني يا مريم ده انتي هيطلع عينك النهاردة
واتصل على طارق وقاله انه رنا مخنوقه وانه يتصل عليها ويجيبها لمريم عنده بعد ٣ ساعات
مريم اخدت شاور ولبست القميص ووشها كله احمر لانه قصير او ميعتبرش قميص اصلا وهي طالعه قالت وبتقول محترم امال لو ما كانش محترم كان بقى عامل ازاي وخرجت وتشد في القميص من كل الاتجاهات وقالت:- آدم
آدم شافها وبلع ريقه بصعوبه:- شوفتى يا مريم مش قولتلك انه محترم
مريم مش قادره تتكلم من الاحراج

آدم قرب منها وحوطها من وسطها بايده:- هو انا غريب يعني علشان كل مره تتكسفي مني كده بس تعرفي ان خجلك ده بيدوبني فيكي دوب واخدها في حضنه يطمنها ومقربش منها غير لما اطمنت وهديت خالص واشتاقت لا آدمها وغابوا في دنيا العشق
طارق ورنا
——————
طارق:- بقى كده يا رنا تكوني مخنوقه وما تتكلميش معايا رايحه تتصلي بمريم طيب انا روحت فين قصرت معاكي في ايه
رنا:- طارق انت اول واحد جيت في بالي بس انا اتصلت بمريم علشان هي كانت عايشه معانا وعارفه اسلوبي واسلوب ماما كنت عايزه اعرف انا فعلا زي ما ماما قالت انا ما بعرفش احب
طارق:- يا رنا مامتك ماقلتش مابتعرفيش تحبي يا حبيبتي افهمي مامتك قصدها انك لما تهزري مع حد هو ممكن يضحك في وشك لكن بيداري انه اتكسف واتحرج وبعدين هي قالتلك لو كنتي حبيتي كنت حسيتي المفروض كده انا اللي ازعل
رنا:-طارق بقولك ايه ما تلعبش في الحته دي انت عارف اني بحبك وما اقدرش اعيش من غيرك انا روحي فيك يا طارق
طارق:- اتنهد وهيموت مكانه رنا انا عايز اتجوزك والله دلوقتي
رنا:- ضحكت هو انا كل لما اقولك كلمه حلوه تقولي عايز تتجوزني دلوقتي
طارق:- يا بت انا بحبك وبعشقك افهمي المهم البسي بقى وانا ساعه كده هعدي عليكى علشان مريم عايزه تصالحك وتقعد معاكي شويه

رنا:- اوكي هستناك
طارق:- باي يا قلبي
رنا:- باي يا حبيبي
شركة الصاوي
—————-
بقلم Mariem Nasar
جاسر:-عاصم ايه يا عم فينك مختفي ليه اليومين اللي فاتوا
عاصم داخل وماسك في ايده الملف:- ابدا يا جاسر شويه تعب بس
جاسر:- بقلق تعبان مالك تحب تقوم نروح للدكتور يشوفك ونطمن
عاصم:- لا مش للدرجادي انا كويس المهم عايزك تمضيلي ورق الصفقه دي يابن عمي
جاسر:- وماله يا سيدي هات امضيلك
عاصم:- قلبه رقص وابتسامه نصر
جاسر لسه بيفتح الملف اول ورقه بيمضيها وعاصم عايز يسقف ان كل حاجه هتكون ملكه
جاسر لسه هيمضى تاني ورقه وملاكه خبطت ودخلت
جاسر:- ساب كل الورق وقفل الملف وقام يستقبلها
ملك:- تعالى اعرفك عاصم الصاوي ابن عمي واخويا الكبير
عاصم:- دي ملك العد….
ملك:-انا ملك وبس من غير القاب اهلا بحضرتك

عاصم باعجاب متداري وبرده كان متدايق لان جاسر لسه ماخلصش الامضا:-اهلا انسه ملك نورتي شركتنا المتواضعه
وانتبه ل جاسر وقال طيب ياجاسر تعالى امضي علشان ورايا شغل وكمان اسيبك برحتك
جاسر اتحرك علشان يمضي ولكن ملك مسكت ايد جاسر وكانت دايخه
مريم:-جاسر
جاسر:- بخوف مالك يا ملك؟؟
ملك:- مش عارفه حاسه اني دايخه وكمان هيغمى عليا

جاسر كان هيجرى على السكرتيره تجيب كوبايه ميه
ملك بصوت دايخ:- قعدني الاول يا جاسر وخليك معايا ما تسبنيش
وياريت لو ابن عمك يخرج يجيب الميه مينفعش تسبنى معاه لوحدنا وكان صوتها مهموس جدا
عاصم قام بسرعه:- مالك يا انسه ملك حاسه بايه
ملك:- عطشانه ممكن اكون دوخت علشان عطشانه ممكن بعد اذنك ميه
عاصم:- ها اه حاضر ثواني
عاصم خرج يجيب الميا وعمال يشتم في سره طلعتلي منين دي ورق التنازل في الملف وجايه تدوخ دلوقتي ما كنتي تموتي بعدين حتى
اوووف عاصم نزل الدور اللي تحت هات يا بني ازازه ميه
الولد:- حاضر اتفضل حضرتك يا عاصم بيه
عاصم اخد الازازه وطلع شاف السكرتيره بتبص له بشرز وقرب:-منها ايه يا سوزي بتبصيلي كده ليه
سوزي بتاكل لبانه وبد*لع:- امممم جايبلها الميه
عاصم:- الله هو انا قولتلك انها دايخه علشان تغيري عليا كده وبعدين العبي غيرها احنا بينا مصلحه مشتركه وقضيناها
خلاص يا قلبي الورق جوه عند جاسر وهيمضي عليه بقولك ايه ما تجيبي بو*سه
سوزي ضحكت:- والورق

عاصم قالها بوس*ه واحده تعالى في المكان ده علشان الكاميرات
عاصم ‘قرب على سوزي ومش عايز يسيبها وبعد شويه پعد عنها:- بقولك ايه
سوزي:-نعم يا بيبي
عاصم:- انا هاخد الورق دلوقتي وانتي تتحججي باي حجه وتحصلينى ع الشقه علشان انتي وحشاني
سوزي:- انت مش بتمل احنا مع بعض ٥ سنين يعني كان زمان ابننا في كيجي دلوقتي هههههه
عاصم:-يلا بقى علشان اتأخرت وهستناكى
عاصم راح علشان ياخد الازازه من على مكتب سوزى وقعت منه وطي وجابها وقام وغمز ل سوزى ودخل عليهم وشايف ملك لسه قاعده مكانها وجاسر ساندها وقرب عليهم
وملك اخدت الازازه وشكرته
عاصم:- مش هتمضي بقى يا جاسر
جاسر:-انا اسف اخرتك على الصفقه هاقوم امضيلك حاضر
وجاسر:- قام يا عيني ومضى على كل الاوراق بتاعه الصفقه
وعاصم كان عايز يطرد جاسر في اللحظه دي بس قال الصبر حلو اوثق كل الاوراق بعدها هرميك انت واختك رميت الكلاب
وبعدها اخد مريم الجزار في حضني انا وبس
طارق ورنا
————–

طارق اخد رنا وطول الطريق يغنيلها بصوته وهو مكنش قد كده
رنا:- بس بس ههههه ايه النشاز ده بس حلو معقول
طارق:- هو انتي على طول سده نفسي كده انا غلطان بكره لما هموت هتعرفي قيمتى
رنا خبطته على كتفه:- بس بقى بعد الشر عليك انت لو جرالك حاجه انا اموت فيها
طارق مش معنى اني بهزر يبقى ما بحسش بالعكس انا جوايا حاجات كتير نفسي اعملها معاك انا عايزه افضل معاك اقولك بحبك وعايز اكون ملكك وانت تكون ملكي واعيش معاك في حب طول العمر
لكن دلوقتي انا بهزر معاك بداري مشاعري علشان مانجرفش واعمل حاجه اندم عليها بعدين
يا طارق انت متعرفش انا مشتاقالك قد ايه وكمان اى حاجه انت بتعملها علشانى بتفرحنى
طارق مسك ايد رنا وحطها على قلبه اللي بيدق:- شوفي مجرد كلمتين منك قلبي بقى بيدق ازاي رنا مش هنتجوز بقى انا بجد مش قادر
انا يا رنا بروح اقبض على نس*وان بيبقو لوز اللوز ومش بعيد تلاقي صورتي على النت معاهم هههههههههههه
ارحميني بقى واتجوزيني
رنا:- بغيظ ايوه هتلاقي صورتك على النت وهيكون ترند ومكتوب رنا عزيز الفتاه التي قطعت حبيبها الى اشلاء واليكم بعض الصور
طارق:- بصوت واطي يا بنت المج*نونه
اه يا حبيبتي انا بس بقولك كده عشان بهزر اه والله بهزر
رنا:-والله بتهزر
طارق:- اه والله بهزر
رنا:- ومالك عرقت ليه
طارق:- ايه ده هو انا عرقان صدقي الجو حر شويه
رنا:- حر في عز الشتا طيب سوق سوق وصلني لمريم بسرعه
آدم ومريم
————-

بقلم Mariem Nasar
مريم عرفت ان رنا في الطريق وقامت من حضن آدم بمعجزه واخدت شاور ولبست الاسدال علشان طارق هيكون موجود في البيت حتى لو هتكون في اوضتها لازم تلبس الاسدال
بعد ما خلصت رنا جت قعدت مع مريم في اوضه النوم
وآدم وطارق قاعدين في الليفنج
بره
مريم:-والله ما كان قصدي اضحك عليكي انا اسفه بجد
رنا:- خلاص يا مريم بس بجد قلبي مجروح من ماما قوي دي علشان تردهالي بتقولي انتي مش متربيه تخيلي
مريم:- على فكره انا لسه قافله مع ابله شيرين ما فيش دقايق بس هي فهمتني وجهة نظرها وهي بصراحه عندها حق هي شايفه اننا منزلش من قيمه حد حتى لو بالهزار انا عارفه انك بتهزري وما تقصديش حاجه
بس انتي كمان عارفه شخصيه هنا مهزوزه بدليل انها صدقتك برغم ان هنا جميله
هنا الباب خبط وكان آدم
ادم دخل:- احم مريم انا وطارق هنروح مشوار بسرعه وجايين
مريم:- طيب ما ينفعش اعرف
آدم:- طبعا يااميرتى ينفع انا وطارق قولنا انتو قاعدين مع بعض اقترحت على طارق نروح نقعد مع بيتر شويه في الشركه
مريم:- ماشي ربنا معاك بس ياريت ما تتاخروش علشان رنا
آدم:-ساعه زمن ان شاء الله وقرب من مريم وباسها من خدها وجبينها قدام رنا عادي ولا كانها موجوده ومريم ورنا اتحرجوا
وهو خارج
رنا:- استاذ آدم

آدم:- ايوه يا رنا
رنا:- انا عايزه اقولك اسفه على الكلام اللي قولتهولك واحنا في المستشفى
آدم:- انسى يا رنا انا كمان نسيت وبعدين انتي اختي الصغيره
رنا:- بجد والله اسفه انا كنت خايفه على مريم قوي انا قولت كلام وقت عصبيتي وصدقني مكنش قصدي اني…
آدم:- قطعها يا بت قولتلك انسي ايه البت الهبله دي وبص ل مريم وضحكوا خلاص ما انا اخدت حقي منك ورفعت في وشك المسدس عادي يعني
انا مش زعلان وانتي كمان ماتزعليش تمام
رنا:- بفرحه تمام
وجه يمشي: وصح يا رنا قبل ما امشي عايزه اقولك حاجه
رنا:-اتفضل
آدم:-الأم لما بتقسى على ابنها مش معنى كده انها بتكرهه ابدا ده كده بتبقى عايزاه انسان فاهم وواعي الام اللي زي مامتك وزي مام……احم دول ما بيعرفوش يكرهو ابدا
مامتك كانت عايزاكى قدوه لغيرك وانك ما تقليليش من شأن حد ولو بالهزار ما تبقيش عبيطه زي طارق سبحان الله جمع ووفق
والتلاته ضحكوا وآدم غمز ل مريم وقالها عايزه حاجه يا اميرتي مريم اتحرجت
مريم: احم شكرا
آدم: خرج ورنا فهمت واخدت قرار انها مش هتهزر هزار يهز ثقت هنا تاني في نفسها هو فعلا ماكنش قصدها
بس احنا عارفين طبعا ان في مجموعه من الناس بترمي كلام وتمشي وما بتهتمش غير بنفسها وبس
مريم:- خلاص يا رنا مش زعلانه
رنا:- خلاص يا مريم والله مش زعلانه

بس ليا طلب عندك
مريم:- طلب ايه قولي؟؟
رنا:- انا عايزه اعرف كل حاجه عنك وعن آدم
مريم سكتت
رنا مسكت ايديها:- مريم علشان خاطري
انا لازم اعرف كل حاجه انا بفكر كل يوم في كلام آدم انا مش قادره انسى
ومش فاهمه وانتي وعدتني انك هتحكيلي بعدين ووعد مني انا مش هقول لحد حاجه
مريم:- وعد
رنا:- وعد
ومريم حكيت ل رنا كل حاجه ورنا في الاول كانت مصدومه ولكن استريحت من حب آدم ل
مريم
فيلا الصاوي
—————–
جاسر روح البيت بعد ما وصل ملك بيتها وقاعد سرحان وباين عليه انه زعلان ممكن يكون علشان ملك تعبانه
هنا:- جاسر
جاسر: ……..
هنا:- جاااااسر يا ااجاسر
جاسر:- ايوه
هنا:- ايه يا جاسر بكلمك من بدري
جاسر شاورلها تقعد جمبه وقعدت وجاسر قعد كتير يبص لوش هنا وسرحان
هنا:- ايه مالك يا جاسر
جاسر:- ولا حاجه يا نور عين اخوكي وحاوط كتفها بدراعه كنتي عايزه مني حاجه
هنا:- متوتره احم انا …انا
جاسر:- انتي ايه قولي متخافيش من اخوكي حبيبك
هنا:- اخدت نفس عميق وقالت في واحد عايز يتقدملي
جاسر:- جاله شعور غريب واحد. واحد مين ده
هنا:- انت تعرفه كويس
جاسر بعدم فهم واتعدل:- مين ده وقولي بسرعه
هنا:- حاضر احم هو يبقى اشرف مصطفى عزيز فاكره
جاسر اتنهد بارتياح

هنا:- ايه يا جاسر مالك ما قولتش رايك

جاسر:- اشرف طبعا عارفه ده شخص محترم جدا المهم رايك انتي مش رأيي انا وعايزك تحكيلي كل حاجه وهو اللي جابلك الكام صح

هنا ابتسمت وهزت راسها:- ايوه صح

جاسر:- ممكن تحكيلي

هنا:- حاضر هاحكيلك كل حاجه