جر.ي..مة عشق بقلم مريم نصار
مريم:- لا يا آدم بس حاسه ان المكان هنا مقفول وعايزه اقلع النقاب واخد نفسي كده مش عارفه البيتزا حساها تقيله على معدتي
آدم:- تحبى تروحي
مريم:- ياريت
آدم:- طيب هروحك تعالى
مريم:- وهتقعد معايا هناك ولا هترجع تاني
آدم:- لا يا قلبي هاوصلك وبعدها هارجع تاني ولما ارجع بالليل نجهز الشنط علشان ورانا سفر بكره
مريم:- طيب خلاص خليك هنا وأشرف يوصلني وكمان خلي رنا تيجي معايا وطارق يكون موجود معاك علشان ما تتهورش علشان خاطري يا آدم وكمان بالمره رنا تجهز معايا الشنط
آدم:- حاضر يا ستي.
وفعلا مريم اخدت رنا معاها واشرف وهنا وصلوهم للبيت
كله مشي ما عدا طارق وبيتر
بيتر جاله تليفون من المستشفى وبيتر قال ل آدم ان رجل زياد مجروحه جامد واتخيطت واتعملها جراحه بسيطه والرجل التانيه اتكسرت واتجبست
ومش هيطلع غير بعد يومين بالكتير
آدم بص ل عاصم بكرهه
:- بيتر انت معاك تليفون زياد
بيتر: ايوه معايا ثواني اجيبهولك
آدم عطا التليفون ل طارق:- اتصل على والدته زياد وعرفهم ان زياد محجوز في المستشفى ولكن مش هيخرج وانا بنفسي هوصله لحد البيت وشوف بقى هما هيعملوا ايه هيقضوا معاه الليله في المستشفى ولا ايه وطمنهم ان مفيش خطر ع زياد من الكلب ده
وفعلا طارق كلم هدى وكانت هتتجنن وطلعت جرى هي ونهاد وطاهر على المستشفى
طارق:- طيب يا آدم هنعمل ايه دلوقتى
آدم اتحرك كام خطوه وفتح العلبه:- يلا بينا علشان الخطه رقم 2
عاصم كان مضروب من البنات وكان جعان وعطشان ودايخ
والعلبه دي كان فيها قميص نوم اخر صيحه وكان قميص لا تعليق عليه وعاصم طبعا زي ما احنا عارفين كان عامل ميك اب في وشه
بيتر شاور للبودي جارد وقلعه عاصم ولبسوه القميص وكان عاصم هيموت غيظ
وصوره فيديو مع البودي جارد وكانت فضيحه بمعنى الكلمه وعاصم كان خلاص بيطلع نار من دماغه مش قادر يستحمل اهانه اكتر من كده
اتبهدل برده يا جماعه راجل ولابس قميص وحاطت ميك اب ومربوط والبودي جارد جمبه وكمان طارق قال لواحد من البودي جارد شيلو بين ايديك علشان اصوره وفعلا البودي جارد شاله وصوره وكان منظر عاصم فضيحه بمعنى الكلمه
وبعدها آدم قال:- خلاص قلعوه القميص ده ولبسو البدله وفعلا قلعوه القميص ولبس بدلته ورجعوا مكانه مربوط
وبعدها آدم قالي بيتر
:- بيتر لو عايز تروح انت روح
بيتر:- لا انا قاعد يا آدم علشان مش عايزك تتهور
آدم:- يا عم قوم روح معلش ريحني وبعد محاولات بيتر روح
وطارق استنى قدام باب المخزن
بقلم Mariem Nasar
كل كلمه يا عاصم الكلب مش هنسهالك واوعا تكون مفكر كلامي بالهداوه ده نساني لا دي في نار بتزيد
وادم فك عاصم ومسكه من كتفه وايده التانيه بوكسات ورا بعض في وش عاصم
وعاصم بيحاول يدافع عن نفسه ولكن شتان
آدم:- انت بقى بتبص ل مراتي انا تقولى بتعشقها وكل كلمه الضربه بتزيد
وادم بينتقم وجاب كل الجديد والقديم
ووش عاصم ما بقاش باين من الدم عايز تتجوز مراتي انا
وساب وشه ودخل على معدته وصدره وبطنه وضهره ورجله ونيمه على الارض وفين يوجعك
وعاصم مش قادر يقف ولا يقاوم ولا يعمل اي حاجه لانه ما اكلش ولا شرب وكمان مضروب بالجزمه والشبشب من البنات عاصم بينهج وبقه كله دم
ادم وقفه تاني مش دي عينيك اللي انت كانت على مراتي وادم جاب الاله الحاده اللي زي المسمار من على الترابيزه
وعاصم ابتسم:-
تعرف لو مريم عرفت باللي انت عملته معايا هتسيبك اه يا آدم
آدم مهتمش بكلامه.
عاصم:- تعرف ان انا ومريم بنحب بعض وعلى علاقه من مع بعض
آدم قرب منه وبوكسات مستمره على وشه خلاص هيموت عاصم
عاصم ضحك وحب يوصفله مريم
العيون بلون الزيتون ههههه شعر بلون الشوكولاته شفايف حبه الكريز مناخيرها قد حبايه البندق وغمازه على الخد اليمين آدم هيتجنن والشيطان بدا يشوف شغله
آدم:- اخرس. اخرس يا كلب يا ابن الكلب وهو بيضرب في عاصم
عاصم: هههههه طيب تعرف ان اللي انا مختارلها لون صبغة شعرها وقرب من ودن آدم على لون الشعر بالظبط وكمان كل التفاصيل بتحكيهالي وكلمتني وقالتلي انها حامل وضحكة عاصم استفزت آدم
آدم خلاص ابليس ف شخصية ومسك المسمار وقال
آدم العدوي لما بيوعد بيوفي يا عاصم يا بن ابتسام حرف H ده اول حرف من اسم هنا انما تصفيه عينك دي للذكرى اللي بجد
وآدم بكل الغل اللي جواه رشق المسمار في عين عاصم واتصفت وساب المسمار ف عينه وعاصم يصرخ ومش قادر ااااااااااه ااااه عاصم متغاظ ونااار في جسمه وكان عايز يعمل اي حاجه في آدم لكن مش قادر وكان بيقاوم الوجع
آدم كان بينهج مش مصدق الكلام الل قاله لالالا مريم مش كده
عاصم:- تعرف ان يوم خطوبة أشرف وانت بتدور عليها كانت معايا عند البوابه الخلفيه بنحب ف بعض
آدم وصل للقمه ولاقصى درجه من الغضب وضرب ضربته وكان عاصم هيموت وطارق سمع صوت آدم وهو بيضرب وجري عليه وكان آدم مركز على قلب عاصم وهو بيضرب
وطارق جرى عليه واتصدم لما شاف وش عاصم والمسمار في عنيه وهدومه مليانه حرفيا من الدم
وطارق نده على البودي جارد ياخدو عاصم على مستشفى بيتر علشان بعدها يتحول على القسم مع الدليل
آدم قعد على ركبه على الارض ومصدوم وبيجاهد الشيطان ولكن ابليس واعوانه مسيطرين على عقل آدم شعر مصبوغ شفايف كريز وكمان الغمازه طيب ازاي ازاي
وطارق اخد ادم وركبو العربيه وطول الطريق آدم ما تكلمش كلمه واحده
ايد ادم كلها دم وقميصه
وعاصم اتحول على المستشفى
طارق وصل آدم لحد البيت وادم فتح باب العربيه ونزل من غير ولا كلمه وكمان ساب الباب مفتوح وطلع في الاسانسير ودخل الشقه ودخل وشاف مريم نايمه مرهقه وتعبانه
بقلم Mariem Nasar
طبعا الكل روح على بيته ورنا جهزت الشنط مع مريم واتصلت على اشرف وجه وصلها على البيت قبل ما طارق يروح وصلها ورجع على بيته
هنا كانت منهاره من العياط وزعلانه عن نفسها لانها كانت في غني عن كل ده وانها لو سمعت كلام رنا كان زمانها راسها مرفوع قدام جوزها لان مش كل الرجاله بتسامح
أشرف قرب منها واحتواها وضمها لحضنه وهي اعتذرت كتير وبكاء شديد وفي الاخر هديت وجهزوا شنطهم علشان شهر العسل
————–
اما نهاد وهدى وطاهر طلعو جرى على المستشفى وكانوا منهارين ولكن شكرو ربنا انها جت على قد كده
ومش وقت لوم ولا عتاب منهم ل زياد
وزياد عمل جراحه بسيطه وخياطه في رجله وجبس رجله التانيه وخرج في الاوضه وهيخرج بعد يومين من المستشفى
———— بقلم Mariem Nasar
جاسر كان حزين قوي وكان كل تنهيده بتخرج من قلبه بتوجع وملك قربت منه مع انها زعلانه كمان لكن حاولت تخرجوا من اللي هو فيه وتكلمت معاه كتير وقربت منه وقدمت دعوه صريحه ل جاسر وبادله الحب مع بعض وبعدها جهزو شنط السفر
———
اما طارق كان قلقان ومتوتر من شكل ادم وخايف وبيفكر ياترى آدم عمل كل ده علشان بس عاصم كان بيفكر انه يخطف مريم علشان ينتقم
ولا في حاجه اكبر لا لا انا لو مكان آدم كنت هاعمل اكتر من كده وهاقتله طيب آدم شكله كان عامل كده ليه وسرحان مع نفسه
ورنا كمان كانت بتجهز الشنط وكانت سرحانه وبتفكر في مريم
———-
اما عاصم البودي جارد طلعوا على مستشفى بيتر ودخل الجراحه لانه عنده كسور في جسمه وعينه كده خلاص راحت وهيضطر يشوف بعين واحده
وطارق أمر أن يكون في ٢ عساكر واقفين حراسه قدام اوضه عاصم علشان بعد ما يفوق ويخف هيطلع على السجن وامه ما تعرفش حاجه ولا حد قالها لانه من ساعه ما شد شعرها وطردها بره هي ما اتصلتش عليه وسوزى طبعا بتدور على راجل تانى غير عاصم لان ده شغلها
———-
عند آدم. بقلم Mariem Nasar
واقف جمب السرير والدم على هدومه وايده
وباصص على مريم وكلام عاصم بيتكرر كل ثانيه شريط متكرر وابليس بيختار الكلمات اللي آدم يفكر فيها
بنحب بعض على علاقه مع بعض انا اللي اخترت لون شعرها وتعرف انها عرفتني انها حامل شعر بلون الشوكولاته غمازه في خدها اليمين عيونها كل حاجه عارفها بقها والكلام يرجع يتكرر تاني وهقلع مريم وهتفرج عليها وكل كلام عاصم بيدبح آدم
بعدها اتحرك وقعد على الكنبه اللي قصاد السرير وعينيه مفتوحه طول الليل يبص على مريم وبيجاهد ويطرد الفكره لكن الشيطان فاتح صفحه قدام عيون آدم ومش شايف غير الكلمات دي وبس وكمان الشيطان بيعيد كل كلام عاصم في ودن آدم وفضل على الحال ده لحد الساعه سبعه الصبح وفي الاخر قام ودخل الحمام ووقفت تحت الدش بهدومه والميه نازله ساقعه والدم بينقط في الارض وما كانش حاسس بحاجه
لدرجه ان الشيطان وصله فكره ان ممكن اللي في بطن مريم ده لا لا وآدم طرد الفكره دي
ولكن خلاص مش قادر والشيطان عمل معاه محادثه طيب فاكر لما دورت عليها في خطوبه هنا وقالتلك كنت جوه بشرب عصير وانت كنت بتدور عليها طيب يمكن تكون مريم بتكدب لان عاصم في الوقت ده مكانش موجود
طيب فاكر لما سبتها ليلتين في المستشفى وكنت انت مش موجود
طيب لما تروح الشغل وتتاخر عليها لااا
وادم خلاص هيتجنن الشيطان فعلا مسيطر عليه
وقعد في الحمام اكتر من ساعه تحت الميه وفي الاخر حاول يهدا علشان حاسس ان راسه هتنفجر من كتر التفكير
اخد الشاور وخرج من الحمام ولبس وراح وقف قدام التسريحه وبص على مريم من المرايه وهي نايمه وقال لا مش معقول مريم مش كده ابدا
الشيطان: جاله وتكلم معاه طيب انت سالت عليها قبل الجواز
آدم: لا لا بس مريم دي مؤدبه جدا
الشيطان،: شوفتها قبل الجواز ده يادوبك اسبوع واتجوزتها
آدم: لا مريم كويسه وكمان منقبه
الشيطان: اكيد بتداري فيه طيب ما هي كشفت النقاب قدامك في اول مقابله معاك في المكتب
طيب تعرف سبب انها سابت بيت اخوها ليه وكمان قاعده عند جوز اختها ليه ولا هي المنقبه بتقعد في بيت جوز اختها عادي وبيت ابوها لااا
آدم: لالا اخوها كان عايز يبيعها ويجوزها بالرخيص
الشيطان: وانت صدقت كان ممكن جوز اختها يقف لاخوها ويربيه ومريم كانت فضلت عايشه في بيت ابوها انما سيرتها الوحشه وسمعتها هي اللي طفشتها من بيت ابوها
اخوها لو كان واثق ان اخته محترمه كان اكيد هيجوزها جوازه كويسه
آدم: مسك دماغه وبيحارب نفسه وفي صراع جواه
لاااا مريم مش كده وبيجاهد على قد ما يقدر مريم مش كده
وبص عليها وعينيه بقت لون الدم
الشيطان: طيب عاصم عرف شكلها ازاي ده قالك على لون شعرها
والغمازه طيب شافها امتى وعرف ان مريم عندها غمازه لا وكمان قالك في خدها اليمين
طيب لون شعرها الجديد عرفوا منين ده كأنه يا آدم عايش معاها ليل نهار
فكر كده بعقلك واحده لابسه نقاب وكمان رنا وملك وهنا مبيكلموش عاصم وهما بس اللي كانوا موجودين معاها يوم الفرح مين بقى هيقول ل عاصم وكلهم بيكرهوا عاصم
بس مريم ما لهاش عداوه مع عاصم
وعاصم خلاص هيتعدم هيكدب ليه
طيب تفتكر يوم ما كنتو بتتقدموا وبتطلبو ايد هنا ل أشرف
عاصم يومها مكانش موجود تفتكر ليه فكر معايا كده عاصم عايز يثبت للناس انه كويس بس اكيد لما عرف ان مريم هتكون موجوده مجاش ليه
ممكن تكون مريم كلمته وقالتله ما ينفعش علشان محدش يكشفنا
ادم ماسك راسه وكان عايز يصحى مريم ويضربها ويكسر عضمها
الشيطان: صور كل حاجه سلبيه ل آدم
وادم عينيه زغللت من قلة النوم والتفكير وحاسس انه عايز بجد يضرب مريم
وخرج من الاوضه بسرعه علشان ما يرتكبش جنايه وراح على البلكون بينهج ومش عارف ياخد قرار
الشيطان نساه مريم الجميله ونساه كل موقف حلو عاشوه مع بعض وبعد فتره دخل من البلكون والكل ب يتصل على آدم ومريم علشان ميعاد الطياره خلاص
وادم شايف الاتصالات كلها وماردش علي حد وكمان فون مريم صامت من تعبها نايمه ومش حاسه
الساعه كانت ١٠ ونص
آدم من كمية الاتصالات اتخنق وكنسل علي طارق وبعتله رساله فيها انه مش هيسافر
وقام من مكانه ودخل الاوضه كانت مريم قامت ودخلت الحمام وخرجت منه
بقلم Mariem Nasar
آدم فتح درج التسريحه وطلع منهم تذكرتين السفر
مريم قربت منه ومفكره ان الوقت لسه بدري على السفر
مريم:- صباح الخير يا حبيبي
آدم: ……..
مريم استغربت بس افتكرت ان ممكن يكون متدايق من امبارح او انها نامت من غيره
مريم قربت اكتر:- حبيبي انا اسفه صليت وقرات قران ونمت امبارح غصب عني انت جيت امبارح امتى
آدم بيتفرج على التذاكر ومش عارف يعمل بيهم ايه وفكر اخيرا انه يرميهم او يرجعهم لابوه تاني
مريم:- آدم انا باكلمك انت ما بتردش ليه وبعدين انت صحيت مصحتنيش ليه؟؟
انا امبارح جهزت كل حاجه انا ورنا يلا بقى علشان نلبس ونلحق الطياره تعرف ان دى اول مره اركب فيها طياره وخايفه لكن وجودك جمبى مطمنى ورايحه تشوف الساعه كام في الموبايل
ادم:- مش هنسافر ورمى التذاكر في الزباله
مريم لفت ل آدم ورجعتله:- ازاي يا آدم مش هنسافر لندن
مريم فكرت انهم هيسافروا على تركيا لان دي رغبت آدم من الاول
مريم شافت التذاكر ال آدم رماها:- حبيبي ما ينفعش منسافرش دي هدية باباك ليك كده هيزعل منك
آدم:- انا قولت مش هنسافر ويا ريت ما تعمليش محاضره وتسمعي الكلام
مريم ببراءه:- حبيبي انا مش قصدي اعمل محاضره ولا حاجه انا كل اللي اقصده انه عمو خالد حابب يقدملك اقل حاجه تبسطك وبعدين حرام تكسر بخاطره
آدم قرب منها بعصبيه:-وانتي مالك هو ابوكي ولا ابويا وبعدين خليكي في نفسك ما تدخليش نفسك في اللي ما لكيش فيه ومسك دراعها جامد
مريم:- اه يا آدم ايدك بتوجعني
آدم:- يا ريت بقى تبطلي دور الفضيله اللي انتي عايشه فيه وكل كلمه تقولي نصايح وقال الله وقال الرسول بصي لنفسك الاول
آدم كان بيتكلم وما كانش عارف هو بيقول ايه لان آدم محبوس في افكاره واللي بيتكلم دلوقت شيطان عاصم
وزقها ومشى خطوتين لقدام
ومريم مش فاهمه حاجه ومصدومه ومسكت دراعها بوجع وبعدها خطت خطوه وحطت ايدها على كتفه
آدم:- فيك ايه طيب لو مش عايز نسافر خلاص مش مهم انا اصلا مابحبش السفر
لكن لو سمحت ما تجرحنيش بكلامك ده انا مش فاهمه حاجه
آدم لف ليها ومسكها بايديه الاتنين من ذراعها:- ماجرحكيش انتي لسه شفتي تجريح
الاحساس اللي عندك ده مش لايق على واحده زيك
واحده ماعرفش عنها حاجه اتجوزتها وكنت فاكرها محترمه بس دي غلطتي. غلطتي ان فكرت في واحده عايشه عند جوز اختها والله اعلم سابت بيت اهلها ليه
مريم. واقفه ومش لاقيه رد ولا قادره ترد ودموعها نزلت وفي الاخر:-آدم انت واعي انت بتقول ايه!!!!
آدم زعق بعلو صوته ومريم انتفضت مكانها:-ايوه واعي اوي اوي واعي جدا
انا اخدت على قفايا بجوازى منك كنت مفكر انك بنت استثنائيه لكن طلعتي زيك زي اي حد ومن الاخر سفر مش هنسافر
مريم حست ان الاوضه بتصغر عليها وان النفس مش واصل ليها وآدم بيكلمها وبيتهمها بالطريقه دي
آدم خلص كلامه ومريم مش شايفه قدامها وهو اخد فونه ومفاتيحه ومع فاتحت باب الاوضه وخروجه
كانت مريم وقعت ع الارض واغمى عليها
وآدم نزل وركب عربيته وهو عمال يفكر.
يفكر وفي الاخر جاتله فكرة انه ممكن يكون ظلم مريم وان البنت بتاعه سنتر التجميل يكون عاصم راح وسالها وممكن تكون هي وصفت مريم ل عاصم وغير طريقه بالعربيه
وراح على سنتر التجميل وقابل البنت اللي هناك وسالها بطريقته الخاصه وكلمها
وطلب منها كاميرات يوم الفرح لحد دلوقت واتفرج على الكاميرات من الخارج والداخل وما شافش عاصم خالص
وآدم: هيتجنن ومش عايز يصدق كلام عاصم لكن ازاي. ازاي شافها فيييييييين
عاصم بخ سمه ف عقل آدم وعمي عنيه عن كل حاجه
يتبع….
شيرين:- الو ايوه يا اشرف وصلتوا بالسلامه يا حبيبي
اشرف:- ايوه يا ماما لسه واصلين من شويه
شيرين:- طيب يا حبيبي ربنا معاكم تبقوا طمنوني عليكم على طول
اشرف:- ان شاء الله يا ماما رنا عايزه تكلمك
شيرين:- ايوه يا رنا ياحبيبتى عامله ايه
رنا:- الحمد لله يا ماما انتى عامله ايه
شيرين:- انا كويسه يا حبيبتي طول ما انتم كويسين بس انتم وحشتونى من دلوقتى
رنا عينيها دمعت:-خلي بالك من نفسك يا ماما علشان خاطري
شيرين:- وانتي يا حبيبتي خلي بالك من نفسك وطارق عامل ايه وهنا والبت مريم ما كلمتنيش ليه
رنا:- كلنا كويسين يا ماما بس مريم وآدم مسافروش معانا لندن
شيرين باستغراب:- مسافروش ليه يا بنتي حصل حاجه ؟؟!!
رنا:- لا يا ماما طارق قال ان آدم كان عايز يسافر هو ومريم على تركيا لوحدهم وادم بعتله رساله النهارده وقاله مش هيسافر على لندن
شيرين:- يعني اتاكدتي ان هما سافروا
رنا:- ايوه يا ماما طارق قالي انهم هيسافر تركيا النهارده
شيرين:- ماشي يا بنتي ربنا معاكم كلكم وخلي بالك من نفسك ومن جوزك وكمان اخوكي وهنا
رنا:- ان شاء الله يا ماما بوسيلي بابا ومحمد
وقفلوا
مصطفى:- قفلتي كنت عايز اكلمهم
شيرين:- الشبكه مكانتش حلوه قوي المهم هما كويسين الحمد لله وبيسلموا عليك
مصطفى:- طيب انا خارج انا ومحمد هتعوزي حاجه يا حبيبتي
شيرين:- على فين يا حبيبي
مصطفى:- انتي ناسيه ان آدم يوم الفرح عرفني على مدرب كوره ممتاز واخدت منه ميعاد علشان ادرب محمد عنده النهارده المقابله وهيشوف قدرات محمد
شيرين:- ايوه صح نسيت والله طيب تمام ربنا معاكم ان شاء الله هيقبل وهيبقى لاعب كبير مصطفى باس شيرين:- تحب تيجي معانا؟
شيرين:- لا يا حبيبي انا هريح شويه على ما انت تيجي
مصطفى:- طيب براحتك يا قلبي
واستنينى ها وغمزلها ف هديه لازم تشوفيها وضحكو ال٢ واخد محمد وخرج
بقلم Mariem Nasar
رنا بعد ما قفلت:- طارق انت نبهت عليا ليه ما قولش ل ماما انهم مسافروش ع اى مكان
طارق:- مش عارف يا رنا بس حاسس ان آدم مش طبيعي وحاسس انه عايز يكون لوحده شويه ومش عايز حد يحتك بيه. فانا قولت كده علشان مامتك متقلقش وتروح ل مريم وكمان يا رنا الموضوع في حاجه غلط وممكن يكون في حاجه كبيره
رنا:- قصدك ايه انا مش فاهمه
طارق:- انتي يوم يعدى كده واتصلي على مريم واطمني عليها.. ولو بخير يبقى تمام..ساعتها يعنى هيبقى كان سوء تفكير مني … ولو لا. يبقى نتدخل واتكلم مع آدم او مامتك تروح ل مريم
رنا:- انت قلقتني كده على مريم
طارق خبطها على راسها:-عبيطه انتي هو آدم بيستحمل عليها حاجه تعالى بقى علشان نطلع اوضتنا عايز انام ما نمتش من امبارح وكمان ما عرفتش انام منك في الطياره وبعدين الشنطه دى تقيله اوى كدا ليه انتى فيها اييييه!!
رنا:- اخص عليك يعني كنت عايز تسيبني وتنام وبعدين انت سألت كتير ع الشنطه وقولتلك فيها هدوم كتير انت زعلان ليه بقى!!
طارق:- لا يا قلبي انا معاكي على طول وهصحى دايما علشانك ومش زعلان يقلبى انا اشيلك انتى وهدومك ف قلبى
رنا:- هههههه حبيبي تسلملى طيب يا طارق انت بتقول هتطلع تنام
