رواية ظلمني من أحببت كاملة
------- اذكروا الله -----------
أسيل كانت نايمة على ظهرها بأمر من الدكتورة وبتفكر في جاسر وفي لحظة ضعف منها مسكت الفون واتصلت بيه بس من رقم تاني
جاسر رد عليها وقال: الو
أسيل متكلمتش كانت يتكتم عياطها باديها ولكنه حس بيها
جاسر أول ما حس إنها هي قال بغيظ وعصبية: ايه ملقتيش مكان تروحي فيه بتتصلي تاني ؟ بقيتي في الشارع خلاص اوعي تفكري أو خيالك يصورلك انك ممكن ترجعي تاني.. إنتي واحدة خا"ينه فاهمه يعني ايه خاينه احفظي كرامتك بقي ومتتصليش تاني وإلا المره الجايه مش عارف هعمل ايه واحده عديمة الكرامة...
أسيل قفلت الخط وانهارت من العياط بقت تحط اديها على بوقها تكتم شهقاتها مسكت التلفون وكسرت الخط وقالت: ماشي يا جاسر هتلف عليا بلاد الله وبرضوا مش هتلاقيني وحتي لو لقيتني عمرك ما هتقدر تمحي زره من اللي انا حساه وعشته
سرحت في اليوم المشئوم بالنسبة ليها
فلاش باك
فريدة: بقولك ايه يا أسيل تيجي معايا هنروح نزور ياسر أصله تعبان أوي
أسيل: مش عارفه والله يا طنط إنتي عارفه إن جاسر مسافر وانا لازم استاذنه
فريدة: إنتي هتيجي معايا انا وبعدين فرصه تغيري جو إنتي من ساعة ما عرفتي إنك حامل وانتي مبتخرجيش
أسيل بابتسامة وحطت اديها على بطنها وقالت في نفسها: يا تري جاسر لما يعرف بوجودك ويفرح اكيد هيفرح انا احتفظت بالخبر عشان عاوزه أشوف رد فعلك يا جاسر
فاقت على صوت فريدة وهي بتقول: يلا بقي يا أسيل دا حتي حنان ويسر هيكونوا هناك ولو جاسر اتكلم هقوله إن أنا اللي اخدتك
أسيل بحسن نية: حاضر هقوم البس
طلعت تلبس وسابت فريدة تضحك بخبث ومسكت تلفونها بعتت رساله لجاسر إن مراته بتخونه مع ياسر وهي دلوقتي معاه في شقته
فريدة: كويس إن جاسر كلمني وعرفني اليوم اللي هيوصل فيه وكان عاوز يعملها مفاجأة ليها خد المفاجأة دي بقي يا جاسر
فريدة أخدت أسيل وراحت عند ياسر اللي مثل أنه تعبان وحنان اللي جابت حاجة يشربوها وكانت حاطه منوم لاسيل فيها
يسر كانت بتبص لاسيل بغيظ وابتسامه خبيثة
أسيل شربت العصير وبعدها بشوية دماغها بدأ يتقل فجت تقوم فريدة قعدتها لحد ما نامت مكانها
حنان وفريدة ويسر دخلوها على اوضه النوم وفتحوا أول تلت زراير من بلوزتها ونزلوها بحيث تعر.ي كتافها
فريدة: بص بقي يا ياسر حنان ويسر هيقعوا في الاوضة التانية دي لحد ما جاسر يجي وانا هروح عشان لما يرجعوا اكون في استقبالهم جاسر قدامه ساعة بالكتير ويكون هنا
ياسر: تمام بس ايه اللي هيحصل ليها بعد كدا
فريدة: ميخصكش في حاجة
ياسر بص لاسيل وعمض عينه وقال: سامحيني بس انا بحب يسر ولازم اعمل كدا عشان اتجوزها
جاسر كان خارج من المطار بابتسامة وشوف وإنه أخيرًا هيرجع لحبيبته بص لقي تلفونه استقبل رساله من رقم مجهول فتحها واتصدم
جاسر: لا لا أسيل عمرها ما تعمل كدا هي بتحبني
طب انا هروح كأني بزور ياسر واشوف وركب عربية وقال للسواق يرجع بتاكسي ومشي بأعلي سرعة عنده
بعد ساعة وصل جاسر وأسيل بدأت تفوق.. ياسر كان واقف في الشباك أول ما لمح جاسر نام جمب أسيل
جاسر لقي الباب مفتروح دخل ودخل اوضه النوم علطول لقي أسيل بتفوق وياسر نايم جمبها
جاسر أول ما شافهم اتصدم وبص ليهم كتير وزعق جامد لدرجة إن ياسر اتفرع
جاسر جري عليهم ومسك أسيل من شعرها وياسر جري بره الشقه خالص خاف لحسن جاسر يقـ*ـتله
أسيل فوقت وبصت حوليها وبصت لنفسها وعرفت إن دي خطه من فريدة جت تتكلم جاسر ضر*بها قلم على وشها وقال: انتي تخرسي خالص هتتكلمي تقولي ايه مش عاوزه أسمع نفسك مفهوم
و جرها من شعرها وخرجها معاه
أسيل مسكت طرحتها اللي كانت جمبها وبقت ماشية معاها مش حاسة بحاجة لأن المخدر ليه ماثر فيها
أول ما خرجوا يسر قعدت تضحك جامد لحد ما عنيها دمعت وقالت: أخيرًا يا جاسر هنخلص منها وهتكون ليا لوحدي
جاسر أخد أسيل على البيت وبعد ما هانها واتهمها بالخي،ـانة رماها بره البيت
بااك
أسيل: وكلت أمري ليك يا كريم وكلت أمري ليك
------- اذكروا الله -----------
جاسر: لسه وصلتينا لكدا ليه كنت قصرت معاكي في حاجة ليه يا أسيل لييه
عدي أسبوع بدون احداث تذكر سوي إن فؤاد وصل لـ ياسر وعرف منه الحقيقة
فؤاد: عندك استعداد تقول الحقيقة قدام الكل
ياسر: بس
فؤاد: مفيش بس دي حياه انسانة كنت أناني أوي تدمر واحده وتطلعها خا.ينة في نظر جوزها عشان تبني انت حياتك
ياسر: بعد ما حس بالندم: مستعد أقول الحقيقة قدام الكل
فؤاد عمل حفله وعزم فيها الكل
جاسر: شوف أدفع نص عمري وأعرف ليه عامل الحفلة دي وليه اصريت على ماما وخالتوا وبسر يحضروا
فؤاد: عادي يا بشا حفلة عائلة ومعزمتش حد منكم وبصله بغموض وقال: عاوزك تكون جاهز لأي حاجة
جاسر بصله باستغراب لكنه معلقش
فؤاد بعد ما أتأكد إن الكل موجود وياسر مستخبي في الاوضة بس شايف كل حاجه
شغل الشاشه على فيديو كانت فيه حنان بتقول لفريدة إن ضميرها وجعها من اللي عملوه في أسيل
فلاش باك
فؤاد كان رايح لجاسر وسمعهم صدفه وراقبهم لما دخلوا الاوضة وبطريقة احترافية منه صورهم
بااك
