فرح للكاتبة ملك إبراهيم
ـ بابا جه عشان نروح بيتنا
حرك اسلام رأسه بتفهم.
خرج يونس من الغرفه وتحدث مع اسلام بدهشة.
ـ ايه حصل اسلام؟
تحدث اسلام بهدوء.
ـ دا عماد جوز عزة هنا وجه عشان ياخدها وخالتي بعتالنا عشان نروح نتعشىٰ معاهم
ابتسم احمد عندما رأىٰ يونس وتحدث اليه بحماس.
ـ حلو اللبس اللي انت لبسه ده يا جوز خالتي
ابتسم يونس واقترب من أحمد وتحدث اليه بمرح.
ـ لو عجبك اجبله زيّه، ايه رأيك؟
ابتسم احمد بحماس قائلًا.
ـ بجد، يعني ممكن تجبلي لبس زيّه، دا انا لو لبست لبس زي ده، العيال اصحابي كلهم هيتغاظوا مني
ابتسم يونس بمرح وتحدث معه بتأكيد.
ـ هجبلك لبس احسن منه، وعد
قفذ احمد بسعادة وركض إلى شقة جدته وهو يتحدث بحماس.
ـ جوز خالتي فرح هيجبلي لبس جديــــد،، جوز خالتي فرح هيجبلي لبس جديـــد.
ابتسم اسلام وتحدث الي يونس بامتنان.
ـ انا حقيقي مش عارف اشكرك ازاي
ربت يونس على كتفه وذهب معه إلى شقة والدة فرح.
استمعت فرح من داخل المطبخ، صوت ابن شقيقتها وهو يهلل بسعادة بان زوجها سوف يشتري له ثوب جديد، وبعد لحظات قليلة، استمعت إلى صوته بالخارج وهو يرحب بزوج شقيقتها، وخفق قلبها بقوة عند استماعها لصوته المميز.
بالخارج.
